iluko.com - website a magustoan a pagpalpallailangan dagiti pada a nangisit ti sikona.

Aguila nga tapingaran

 

Skip Navigation LinksHome > Blogs >



SUMIBLOK NGA SUMIKBAB
6/18/2007 10:56:49 PM

Linenggesko ti 750ml nga Jack Daniels nga nakadispley iti aparador nga nasarmingan. Siblokak man ti uminum tatta ta matmaturog dagiti aginak. Binukbukak ti basok sako sinimsiman. Hmm, haaa, mayat ti serrekna.

Nabayagen nga saannak nga nakapasyar kadaytoy nanumo nga abungko. Permi nga kinaadu nga trabaho kadagiti naglabas. Kunak idi no narigat iti agtaraken iti aginaw ngem permi gayam nga narigrigat iti agtaraken iti putot! Heheheh.
Narigat nga naganas ta makita met laengen daydi nagrigrigatan nga sinibsibugan iti sarsardam ken pumarbangon.

Agtrabahonak nga agmalmalem ket no sumangpetak ket ipasabat nga dagus ni Misis ti piekmi nga ipaaw-awir kaniak. Isu pay la ngamin iti pannakawayana nga agdigus ken aramiden dagiti kayatna nga aramiden. No malpasen ket alaenna ta ubing ta aglutuakto metten. Agsinnublatkami nga mangan ket siyempre umuna isuna ta 'lady's first' ngarud. Inton makapanganak ket itaruskunton iti aginnaw agraman dagiti nagsusuan ti piekmi. Isunto pay laeng iti pannakasangok nga aramiden ti reportko.

I syatko man pay. Naglamuyoten ti panaganudna!

E-mail iti pakaipatuludan ti skedyulko iti inaldaw ket e-mail to met laeng ti panangipatulodko iti reportko. Maymayat iti kastoy tapno saanen nga masapul iti mapan diay opisina iti inaldaw. Naammuak itay nga awan ti skedyulko no bigat isu nga simmiplot nga sigud ti panunotko iti ibibisitak ditoy abongko.

Ala, isyatko man pay. Naimas nga talaga iti uminom no isibsiblok laeng.

Kumusta ngatan dagitay gagayyemko ditoy. Hmm, pumasyarakto man no madamdama ta bareng no malagipdak pay.

I-syatko man pay, hehehe. Medyo nabengbengen toy rupak. Saannak sa metten nga sanay.

Agsangit met toy piekmin. Ag timplanak kano ti gatas. KJ met ni misis!

Sumikbabak man pay maminsan. Andernak sa metten apooo. Iyad-adayom koma.


Comments


Sherma Benosa
6/19/2007 12:05:41 AM

Hi Christ! How are you, gayyem? Happy Fathers' Day.
Sakto la unay ta postem, yong. Pang-father's day. :-)
'La, la, yagawam ti agaw-awir kadayta piekyo.... kustonto inton malagipyo a nayonan. Expertkanton. Nyehehehehe!


Sherma Benosa
6/19/2007 12:18:49 AM

Oooopppsss. Sowi kadayta typo dita naganmo. Waaaa. Pinagbalinka met a ni Kristo'n! So sowi....


Crist Aguilan
6/19/2007 12:22:37 AM

Pagyamanak unay ading, Sherma. Kusto ngata ta maysan ta agka phobia nak sa met nga agputoten. hehehehe.

Kumustan?


Leofina Jane Galleta
6/20/2007 9:04:08 AM

Hello Manong a kaarruba, mabainak koma a sumrek ngem nataldiapak ni Shermz ditoy isu nga inturtured ko metten ti sumirip, :-)

Agassideg ti ili tayo Manong ta diay nak laeng Sta. Teresita met a dimmakkel ken nagbasa, :-)

ala ngarud ta dumagas to manen datao nu maminsan, blessings!


Crist Aguilan
6/20/2007 11:37:57 AM

Hello Ading Jane, kumusta? Wen, aginnassidegta laeng ti ili, diay laeng Gonzaga ti nagbaetanta, heheheh.

Pagyamanak man ti pannakapasiyar mo, adingko.


Arlane
6/20/2007 12:59:24 PM

MAnong Crist Hello-hello... nabayag idin MAnong. KAiliw ko man tay panaglutlutom idi itlog pay laeng dayta piekyo hehehe.. (binulod ko SIster Sherma tay term mo!)

NAlaing ka ngata nga ag-YAYOn aya? Sampol man ta pagpaturog song mo bareng makasursuro met ni Kumarengski LJ, ken dakami payen kenni Sisterko.

Nagwapo ta putot mo Manong. Saan a nakakaskasdaaw ta napintas ni MAmang na. Hehehe... PEACE!


Arlane Manzano
6/20/2007 1:03:22 PM

Salbabida! Kawitan wenno upa dayta naibun-ay MAnong? No ngamin awan pay agmaka-tawen ti ubing ket saan kano pay a mapukisan tapno napinpintas ti bisngay ta tapingarna. Isu nga diak maaprosan no babai dayta amit mo wenno lalaki. Uray no uray, nakainanama ti tingra na dayta putot mo. CONGRATS! Ayabannak to latta nga umay agaw-awir MAnong uray ta mabalinkon ti bumallasiw dita ayanmo.


Crist Aguilan
6/20/2007 3:35:44 PM

Ading Arlane, kawitan met toy naiputotko. Naguwapo kano kunada man, sada ibaga nga karuprupak, hehehehheeh.

Permi nga mapaksuyannakon nga agtrabaho, aglaba, agplantsa, agluto ken dadduma pay. Sige man, bumallasiwka man ditoy ta umaynakami man tulungan nga agaw-awir ta mapadasam ti kinakulit toy piek mi. Dua ti alipusposna isu ngata nga nakulit. Pagraksakannan sa la unay iti agsangit, hehehehe.

Kumustakayo la aminen, a.

Umayakto pumasiar diay abong mo no madamdama.


Sherma Benosa
6/20/2007 10:14:20 PM

Maturogkan beybi
Nabannogen ni dadi
Aglaba, agplantsa
agaw-awir pay kenka.
Mangit ka a mangit
Dika koma ket agpurngiit.
Babbalasang a bisitam
Saggaysaem nga iseman.

Ayan, inyaramidankan iti lullabye mo, Crist. Payaramidam iti melody kenni LJ ta isu't paglainganna. He he he.

Ei Sisters. Addakayo gayam ditoy... La kadkaduaantayo man ni Crist ket ne, dinan sa pay ammo ti kudkudennan!


Crist Aguilan
6/20/2007 10:26:14 PM

Mayat man toy lullabye mo ading Sherma, idaniwkonto ken toy piek no madamdama, heheheh.


VF
6/21/2007 12:54:17 AM

Umayak man met makitungtong P'riCrist.

Nakaasembol ka met gayamen P'ri. Congratulations.

Awan la't basim 'tanud? Adda balonko nga apog-gawed-ken-bua. Mabalin siguro a pulotanenen.


Leofina Jane Galleta
6/21/2007 4:55:47 AM

Neay, ta dadtoy kayo la gayam mga dearest..? Hmmm Marengskiii..! :-) Miss ya girl, :-)

Ei, Manong, mudtoy ta siak ti mangaw-awir ket umamo a daras, addan sa magic ko iti babies, hehehe!

Ayna, ania met dayta pulutan a kunkunam Manong VF, siimem ni shermz ket agprakpraktis, hehehe!


JRIC
6/21/2007 6:32:00 PM

Gayyem Christ, kumosta? Apay parigatennaka ni baby? Uray ta dakkelen, Mabalinen nga ipaaywan ken mom-nan. Napanko dinaw-as ni Arlane itay ngem awan a nadanunak, Napia koma laeng a kadduak nga agidutdot kadagiti kaputotan di naatiw a kawitanmo. Uray ta adda met ni gayyem VF a kaduak nga agidutdot, ninto Ading Sherma ti agparti ket ni Ading LJ ti mangluto ta siak ti para sungrod ta dalikan! HAHAHAHAHAHA!


Crist Aguilan
6/21/2007 9:10:02 PM

'Tanud VF, sige rugiantan ti agmama ta pabulunanta ti basi nga naggapu't ilukos. Pumilitayonto ti redyek kadagitay taraken ni tatangko ta aramiden nga sapsappuriket ni Ading Arlane, hehehhehe.

Ala man ading LJ, madyikem man toy baby ta sumingpet bassit, heheheh. Asidegka man la koma ta umayko ipaaw-awir ti uray makabulan laeng, heheheheh.

Gayyem Jric, ni la inana ti kankanayon nga kaykayatna isu nga siak ti mapusgan nga agtagibalay nga kankanayon. No dadduma ket kayatnak met ngem nalaka la nga mauma. Agsarungikngik no kua ket sa la sumardengen no alaen ni inana. Adu ti naiputot daydi manokko nga nagtakrot, mangilabanda koma iti dua nga putotna idi dominggo ket kabutengda met nga labanan. Ibaga payen diay kabsatko nga putot ti naabak ngem madida nga patien, natatarakida kano ngamin. Dandani amin nga manokko ket senyalado iti paryok ta uray mangabak ket matay met latta isu paryok latta ti pakaipisokanna. heheheh.

Awan manen ti serrekko no bigat isu nga masangok manen ti makipag wan on wan ken toy Jack Daniels, dandani met ketdin magudua. Mapanakto tatta umud-od ti mapulutanan kadagitay nalaing nga agkuryinti ti lames nga kalugarak, bareng adda matenneban nga buntiek.


Sherma Benosa
6/21/2007 9:11:55 PM

Sure, Manong JRIC.

Kakaisuna a nasursurokon no kasano ti proper a panangputed-puted iti partes ti manok (two months ago siguro) He he he.

Ngem ne, waaa! Idutdutanyo pay ah! Huuuuu. (Ta daydiay met rinangrangkayko idi ket diay nagatangmi idiay Magnolia! Ammok pay no kasano ti mangidutdot?) :-)


Sherma Benosa
6/21/2007 9:21:17 PM

And hey, am also good at taking care of babies. Adda maysa a kasinsinko a tinarakenko. Ken maysa nga anakko iti buniag.

Boy, these kids are so close to me... to the point nga adda time a they prefer my company to that of their mother.

hak hak hak.

Ahm kids are so darn lovable...


Crist Aguilan
6/21/2007 9:36:24 PM

Ading Sherms, paamuem man toy dua't alupuspusna nga piekmi.

Adda idi padasko ken toy piekmi idi dua nga dominggo na pay laeng. Patpatig-abek idi. Kannawan nga dakulapko diay barukongna ken pampampagek ti saggabassit diay likudna. Siyempre, nakarukob isuna. Idi awan manggengko nga tig-ab ket inyangadko diay rupana. Sus apo ta agbaliktad met dagiti matanan! Pinukkawak nga sigud ni Misis nga adda diay CR nga permi met ti agawana nga rimmuar. Di pay nakaas-asideg ni Misis ket nagtig-aben sa nagsubli ti normal dagidiay matana. Permi nga danagko, kunak no napis-itkon. Nagkonsentreyt sa met tapno maalana diay tig-abna.
Nagkinnatawa kami kenni Misis ngem ti agpayso ket kaslanak la timmayok ti danagko.


Crist Aguilan
6/21/2007 10:04:09 PM

Idi aggayyemkami pay laeng kenni Misis ken balakkon nga armen, pinapilik isuna no ania ti kaykayatna.

'Do you want me to court you so that you will love me or love me and I will court you forever'

Nalipatakon no ania ti nakabasaak daytoy. No maammuak laeng no sinno ti nagsurat, ipangtak!

Saan nga nakauni ngem ammok nga agpampanunot. Diakon dinakdakamat kadagiti simmaruno nga aldaw. Saan nga nagbayag ket sinungbatannak metten. Ay-ayatennak kanon. Ania pay ket nanobiakon a, sa nagpakasarkamin idi bumaybayag.

Kunak no namaysaak isuna ta agasem napasungbatko uray diak nga nagar-arem, ngem siak gayam ti namaysaanna. Kankanayonna nga ipalagip nga inayatnak kano tapno armek isuna ingga't tungpal biag. Ania pay, tungpalek, a, ta nailaw-anko met nga sinaludsod isuna ti kasdiay. Bareng no saan nga agpakipot ingga't tungpal biag ta no saan ket medyo ander datao ingga't tungpal biag.


Leofina Jane Galleta
6/21/2007 11:46:16 PM

Wow, whatta line! nagmayat daytan a proposal manong, ei, kasla limmawag ti tangatang ko kadayta nga idea ha, nyek! Ei, Shermzki, ta isem mo ilinged linged mo manen, huuu..! :-)

Iballasiw mo diay balay ko Manong Crist ta adu ti lullabye a pagpaturog nu kua, hehehe!

Sis, no masadut da nga mangdutdut, ipugpog dan a kas pinikpikan tapno dardaras, ala ket wen a, kakaisuna a natawid kon tay recipe ni papangski Aran a sapsapuriket, hehehee! Manong, ni Papang ko koma ti kaarrubam, kanayon ket ngata ti tagay, hmmp, :-)

Ei, Manong Jric, nakaarun kan? mangisaang ka ngaruden a, ket mabisin nakon, hehehe!


Crist Aguilan
6/22/2007 9:11:25 AM

Ading LJ, mayat met ketdi ti kasdiay nga naaramid ta agingga ita ket kasla kami la baro ken balasang. Siak nga kasla kanayon nga agar-arem ken isuna nga kanayon nga agpakpakipot. No kasta nga adda bassit pagririanmi ket maam-amakak amangan ket no bastedennak. hehehhehe.

Di bale ta nakabalesak bassit kenni Misis. Idi sakbay nga nagawidak tapno pakasarak isuna. Sakbay nga nagrekwesnak iti vacation leave ken sakbay nga gimmatangak iti tiketko. Sinaludsodko isuna no palubusannak met laeng nga makipallot uray agassawakamin. Nagulimek manen ti sumagmamano nga kanito sa simmungbat. Agpallotak kano latta basta la ket saanko nga ib-ibusen amin nga orasko diay sabungan. Isu, nagawidakon a ken insukokon ti Bataan. heheheheh.

Ammok nga ammona nga no saannak nga palubusan nga agpallot no agassawakamin ket posible nga saannak nga agawid tapno makikasar. hehehehe. Isu nga no kasta nga agmisumisuot na makipallotak ket ipalagip ko met no kua, hehehehe.

Nasayaat koma ket no agkaarrubatayo tapno kanayonko nga awisen ni Papangmo nga agilut iti baso ket tapno maipaaw-awirko metten toy dua't alipusposna nga putotko kenka no adda wayam.

Diak pay talaga naramanan ti sapsappuriket. Agpasuronakto man ta padasekto met ti agluto inton makapagbakasyonak diay Cagayan.


Arlane
6/22/2007 6:08:35 PM

Ti linya a nangngeg ko idiay pagsinean ket kastoy MAnong Crist: "Love me now.. Marry me, and I will court you for the rest of our lives."

Romantic. DArn! masapul ngarud nga adda listaak iti amin a kayat ko a mairegalo no kaskasano before the sab-ong!

Adda impaw-it ni NAnang ken TAtang ko a sapsapuriket a sampol kano a ramanan tay para templak iti kape. Plus, resipi, apro, dara ti native ken sili't sairo ta sakarenna no kasano ti agluto. Praktis no makapasa ta isu ti paboritok. NArigaten no agkulay-ongak no diak maramanan tay belobed sapsapuriketko.

Kumarruba kayo no kayatyo a sampolan kakadua. Dominggo at 5pm, PAcific Time. Adda pay French Martini a nayonna (for the girls) ken Vodka (for the not so boys) hehehe.

MAnong Crist, no dim' mapaturog dayta piek mo ket patedtedam iti JAck Daniels tapno insigida ti kidemna no kantaam iti agpalaud kada agpangato.


Crist Aguilan
6/23/2007 1:32:01 AM

Ading Arlane, Pinadasko nga pinatedtedan ti Jack Daniels diay gatas na ket idi mainumna ket agprobokar metten, hehehehe. Ibatona met amin nga maigganannan.

Padasekto man ketdi ti makikaarruba ta maramanak ta peymus sapsappuriket.


JRIC
6/24/2007 2:08:38 PM

SUSMARYA! Adda met gayam ditoy ni Arlane'n Adda met laeng kadkaduami nga agluto ti sapsapuriket. siak latta ti para aron ken para sungrod LJ, dua kayo ken Arlane nga agluto bassiten.

HAHAHAHAHAHAHA! Nakaadum unay siguro ta inpatedtedmo Gayyem Crist! Yad-adayom aramid Apo! maluto ta lalaemna Gayyem.


Leofina Jane Galleta
6/24/2007 6:25:15 PM

siak kano idi ubingak ket ipaammal ni papang aran toy kanawan a tangan ko nu kasdiay nga irayok ko ti agmangit; masadut kan nga agtimpla ti gatas ko, ania pay anginen ti boksit ko siguro ta indakdakkel ko a malagip nga pulaigadan daydi tatang lakay ti dapo ti tabako na daytoy puseg ko, ania met, heheheh!

Oist Manong Crist, hmmmm... sige ka ta baka nakadiaper palaeng ta dyunyor mo ket katagtagay mon ha, ipulong ka ken manang, har har har!

Manong Jric, ala ngaruden ta agluto tayon!


Sherma Benosa
6/24/2007 7:08:12 PM

He he he! Kayatyo sawen, dayta ubingmo Crist diay aglaaw-laaw idi rabii?

Pos Dios! Dinak pinaturog! Waaaaaaaaa!


Crist Aguilan
6/24/2007 8:23:57 PM

G'yem Jric, saan met unay nga adu diay impatedtedko ti kunak ta tallo met laeng nga kutsarita. Inung-ungtannak ngarud ni Misis ta napigsa kano unay diay inlaokko, inton sumaruno sanmiglayt to kanon tapno nakapkapsut.

Ading LJ, parehokayo gayam kenni Manangmo nga nalaka nga anginen ti boksitna. Agsasaruno no kua ti tig-abna, no dadduma ket diay bangir ti rummuaran ti dadduma nga angin, mayat no kua ti bang-i na ket. Kayatna ngarud nga makasursuro nga sigud nga tumagay ni Tapingaran Dyunyor tapno saannak kanon nga umadayo nga agsapul ti katinnagay,heheheheheh. Ken addanton kaduak nga sumango ti tinnagayan kadagitay kalugaran inton makaawidkami.

Ading Sherms, pagpasensiyaam la 'toy adimon ta naiyadona ti timmagay idi rabii isu nga pinagtripanna ti naglaaw-laaw, bay-am ta ibasbassitko ti doseyds na inton maminsan.

Haaayy, nalpas manen ti weekend, trabahoman no bigaten.


LJ :-)
6/28/2007 1:03:39 AM

HEyyo Manong Crist, musta ngay? ahihihi! baka ket ma immune ti jack daniels dayta barom dayta ka ta nu isu't biroken nan a nagyan ti mamador na ket awan lat makunkuna kon, ngek.

Naka house arrest datao early this week isu a saan datao naka-kaarruba, hehehe! Paspasali met ngamin dagitoy nasakit, huuuu..!

Ala manong, kumusta to all, :-)


Crist Aguilan
6/28/2007 6:50:00 PM

Agawaam ti agpaimbag ading LJ ta aywanam man 'toy adingmo nga tomador, heheheh. Mayat no ma-immune iti arak tapno ilabankonto iti pinnustaan ti inninuman iti arak 'diay Cagayan.


LJ
7/4/2007 4:04:48 AM

WAHAHAHAHA!

Manong Crist, pakawanem ta baka agbalin a padi ta dayunyor mo nu siak ti mangaywan, :-) Sapay ta patinayon ti salun-at yo manong ta bulusam to nga tumawwek diay igid ti baybay nu palubos ni aop ta agaw-awid kayo, hehehe! :-)


Sherma Benosa
7/4/2007 5:02:38 AM

Heeeeeyyyyyyyoooo ebribadi.

Artek ama, artek anak.
Dayta laeng appo ti makunak.
:-)

Dadtoy ne ti kape tapno maungaran dayta barom, gayyem Christ. Brewed dayta. Napigsa a pagpaungar dagiti nakatoma. Nyehehehe

Ei Sister. Agaw-aw-awir ka met gayam. La ta sublatanka damdama...


VF
7/4/2007 5:20:43 AM

Pareng Crist, mayat dayta JD a malaokan iti coke light tapos iparamamno kadagita babbalasang -kitaem no di mabistom a dina oras no asino ti pangkis!

hehehehe.


Crist Aguilan
7/4/2007 9:36:25 AM

Mayat ading LJ no agbalin nga Padi tapno nalaka la ti agpabendisyon no kasta nga malaes datao, heheheheh. Amangan no sika ti isungsongna nga uminom ti nasanger no kasta nga aywanam, heheheh. Pasakayek ti nuang ken ipalubnak ko diay karayan ni Tapingaran dyunyor no makaawid kami, heheheh.

Ading Sherma, mudtoy man ta kape ket medyo maul-ulawak pay laeng, HIK. Siakto ti mangsursuro ken toy ubing nga uminom ngem saan unay nga agbartek inton medyo dumakkel ken sursuruakto pay nga agpallot ngem saan unay nga agsugal, hik hik hik.

Pareng VF, coke laeng ti ilalaokko ken toy Jack D, mayat man ti serrekna. Nagrigat man nga teppelan ti saan humirit ti maysa pay nga syat. heheheh.


Sherma Benosa
7/11/2007 8:45:35 PM

Good morning!


Crist Aguilan
7/12/2007 11:09:17 AM

Naimbag met nga bigat mo ading.


Idetrorce
12/15/2007 7:46:48 PM

very interesting, but I don't agree with you
Idetrorce


jaymar
1/18/2008 6:32:57 AM

hello crist,

musta ngay? inayon mo man ditoy adiay insurat mo idi idiay banawag nga SUBLIANAN KAN TO?? hehe...

I look forward to hearing from you.

best regards,
jaymar



Agposte

Ag-Loginka pay nga umuna Kailian sakbay nga agposteka.