Gapu Kenka

Gapu iti kinaulimekmo

Nga inaklonko a di panagayat

Rinugiak a linipat ti tarigagayko kenka

Imbaw-ingko iti sabali

Tapno maidian adda kenka a galad

Naturongko Botanical Garden,

Idiay Macho Temple,

Inulik ti Seven Hills it siudad ti San Fernando,

Nanurnorko ti igid-baybay idiay Luna

Linawlawko ti sibubukel a CSI

Ken amin a pagtagilakuan iti siudad.

Ngem anian a nagkas-ang!

Ta awan man la’t makaartap

Talugading nga adda kenka.

Ania ngarud ket sika ti sika –

Ta sika ti biagko.

Ti napalabasko.

Ti agdamak.

Ken ti masakbayak.

MILAGROS L. RENON

Busel-busel, Luna, La Union

Naipablaak iti Sirmata

Setiembre 2004