Kappia

Agwerwerret a rigat, mariknak

Tunggal agriingak iti bigat –

Ikutkutak dagiti pagiwarnak,

Ibambando dagiti radio,

Mangluklukag, di agressat.

Ipatayabko inaldaw a kararag:

Dagiti agtuturaytayo dida koman

Paasimbuyoken ti temtem

Agal-alipaga a rinnurumen

Ken didan paadipen

Iti makabulsek a sileng ti pirak.

Agriingkayo, dakayo

A mammartek iti bileg,

Sursuruenyo a pagluposen

Tumemtemtem a pusoyo ken nakem.

Ipasngayyo ni kappia,

Ipasngayyo baro nga agsapa.

LEONORA T. CORPUZ

Brgy. Sevilla,  2500

San Fernando City, La Union

Nangabak iti Umuna a Premio iti On-the-Spot a Pasalip

 ti Sir Pelagio Alcantara    Development (SPADE) Foundation

 idi Oktubre 25, 2005 iti San Fernando City.

Naipablaak iti Sirmata

Enero 2006