Sangarakem a Darat

Dinak awagan iti bassit

Balikas a maiparbeng iti insekto

A ti ammona laeng mapno ‘diay buksit

Awanan umdas a sirib, mula iti ulo

Kurangak man iti kinabagi kas iti Cyclops

Addaanak ti kinabaknang

da Hercules ken Athena

A kas sangarakem a darat iti taaw

Ibbatannak, wayawayaannak

Ket tumayabak a makiay-ayam iti angin

Tumarayak, labsak dadakkel a bato…

Tumakder, makigubat, ilaawko

Siak, sangarakem a darat

Siwawayawaya, kas tumatayab!

AL GERARD S. BARDE

St. Louis College

San Fernando City

Naipablaak iti Bannawag

Pebrero 16, 2004