Sika ti Kinapudno

Dimo ibalud ‘ta isipmo, kabsat.

Ipukkawmo ti kinapudno –

Dayta ti akemmo

Kas Apo Mannurat.

Lumgakka koma latta a mata

Ni Pinoy nga agsagsagaba

Iti entablado ti agdama.

Dimo kabuteng

Dagiti balangkantis a didiosen,

Dimo sayangen ‘ta biag

No katukadna kinaimbag.

DANILO C. CABURIAN

Baluarte, Agoo, La Union

 Nangabak iti Maikatlo  a Premio iti  On-the-Spot a Pasalip

 ti Daniw ti  Sir Pelagio Alcantara Development (SPADE)

Foundation idi Oktubre 25, 2005 iti San Fernando City.

Naipablaak iti Sirmata

Enero 2006