iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Amado I. Yoro
iCom page



Amado I. Yoro Online


Daytoy ti ayat iti puso ti mannurat

03/02/2017


DAYTOY TI AYAT ITI PUSO TI MANNURAT

Amado I. Yoro
Zk—2/28/2017
Daytoy ti ayat a para kenka
Kenka daytoy nga ayat
Ti kinaagnanayon a kinapudno
Saan ti kari; saan ti sabong
Ti kari saan a pammatalged
Ti sabong saan a saksi ken sagrado
Ti sabong isu buya ti nakaparsuaan
Isu banglo, ti sabong a marsaak
malaylay ken marupsa
Saan daytoy nga ayat para kenka
Kenka daytoy nga ayat
Sika ti ayat; siak met ayat
Sika a kayaw; siak met ti agrukbab
Sika a ladawan ti kinaasinom
Iti puso ni mannurat
Iti taengmo lansad ti barukong
Kas iti panagpitik ti puso
Tunggal darikmat
Iti sibibiag a kinatarnaw
Ti pammateg iti kinaagnanayon
Singgalut ti kinapudno
Dinto agkupas toy pammateg.





Rate this Article
Low <---------------------------------> High



Please login to rate this Article