iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Amado I. Yoro
iCom page



Amado I. Yoro Online


Mrs adelfa quines---mrs. ilocos surian 2017-2019

09/02/2017


NAKORONAAN A MRS. ILOCOS SURIAN 2017-2019: Adelfa Azores Quines

Amado I. Yoro

KANGRUNAAN A TAMPOK ti programa ti Ilocos Surian Association of Hawaii [ISAH] ti pannakakorona ni Adelfa Azores Quines a maikanem a reyna ti ISAH idi rabii ti Agosto 18, 2017 idiay Ala Moana Hotel babaen ti panangiturong ti emcee Amy Casamina Cabatu.

Paset ti programa ti panangablaaw da Event Chair Emmie Villaruz; ISAH president Danny Villaruz, Consul Bernardo; Kauai Mayor Carvalho, ita a pannakaisurat daytoy, saan pay a nagpormal a kandidato para gobernador.
Mainaig ti koronasion iti maisagsagana a pannakidanggay ti Ilocos Surian Association of Hawaii iti mayaw-awis Ilocano Grand Reunion 2018 ken iti: Intayon Ilocos Sur; Experience Ilocos Sur 2018 ken ti ISAH THEME: “Onward to 2018 Ilocos Sur Province Bicentennial: a selebrasion iti 200 a tawen nga anibersario ti Ilocos Sur a maangay iti Enero 29 Pebrero 7, 2018 idiay Vigan City kas dakkel a programa ti gobierno probinsial nga ipanguluan ni Gobernador Ryan Luis Singson ken ti Vigan City nga ipanguluan ni Mayor Carlo Magno Medina. Naisina ti Ilocos Sur idi Pebrero 2, 1818 manipud iti Ylocos.
Itoy a rabii, nairaman a sangaili iti pasken da Consul Bernardo; Mayor Bernard Carvalho ti Kauai; Atty. Franz Donnie Juan, kas naisangayan a sangaili. Ken dagiti nadumaduma a lider ken kameng ti komunidad.
Nabigbig met dagiti nagpaay iti napalabas a royal court iti tallaong kas kada Mrs. Nancy Clemente Luat; Mrs. Elena Puesta; Mrs. Davelyn Quijano; Mrs. Marylou Natividad; Mrs. Anita Alquiza; Zeny Abalos; Analiza Braceros Mateo; Zeny Sumibcay; Letty Dalit; Loida Alimbuyugen Yamamoto; Alice Castaneda ken dadduma.
Nupay medio atiddog, sumangkapintas met a buyaen dagiti managayat iti sala dagiti pasalip nga indauluan ni Engr. Carlito Soria. Nagpaay a hues ti panagpili da Al Sabangan, Art Abinsay ken Maria Etrata. Tabulator ni Ben Cabreros. Adda cash a premio tunggal pareha.
Dagiti nangabak ti salip ti sala:
Tango Mr. ken Mrs. Jun and Myrna Peralta [Cabugao]; Rhumba Leo ken Virgie Corsino; Waltz Mr. ken Mrs. Roman and Angie Saupan [Cabugao]

Asino ni Adelfa?
Nayanak idiay Ayusan Norte, Vigan, Ilocos Sur idi Agosto 29, 1962 kada Enhiniero Sergio Jaramillo Quines ken Juanita Barcellano Azores. Immakar ken nagubing idiay Sto Tomas, Sto Domingo Ilocos Sur iti lugar ti apongna a lakay a kaduana dagiti kakabsatna manipud 1969.
Nagbasa iti elementaria ken sekundaria iti lugarda. Lineppasna ti Bachelor of Science in Commerce-Management iti University of Northern Philippines 1983.
Immay ditoy Hawaii idi Setiembre 18, 2004 ken umuna a trabahona iti caregiver iti ORI Helemano Plantation. Saan a nagbayag sadiay. Simrek iti sabali a panggedan. Agdama a Personal assistant iti HHS.
Da Jan ken Jay dagiti dua nga annakna a lallaki.
Ni Adelfa ti maikanem a Reyna ti Ilocos Surian. Ken isu pay ti maikatlo kadagiti immunan a tubo ti Vigan kas kada Marylou Natividad ken Anita Alquiza dagiti dua pay a tubo ti Vigan.

Dagiti nakoronaan a Mrs. Ilocos Surian
1. Mrs. Nancy Vallejo Clemente Luat 2003-2006 [Cabugao]
2. Mrs. Elena Villaruz Puesta 2006-2008 [Santa]
3. Mrs. Davelyn Ancheta Quijano 2008-2013 [Sinait]
4. Mrs. Marylou Natividad 2013-2015 [Vigan]
5. Mrs. Anita Alquiza 2015-2017 [Vigan]
Nairugi ti Mrs. Ilocos Surian a programa a pamataudan ti nayon ti pondo para iti medical ken homecoming mission. Maangay ti mission iti tunggal dua a tawen. Dagiti napalabas a mission 2005, 2007, 2009, 2011, 2013, 2015. Dadaulo daytoy a mission da Dr. Charlie Y Sonido; Dr. Elizabeth Lim Abinsay; Felipe Abinsay, Jr., babaen iti tulong dagiti adu a volunteers: dodoktor, nanarses, kameng ti grupo sibiko.

DAGITI AGDAMA A LIDERATO TI ILOCOS SURIAN ASSOCIATION OF HAWAII 2016-2018

Danny Villaruz, presidente; Maria Etrata, 1vp; Veronica Esteban, 2vp; Maria Cristina White, recording secretary; Tessie Aganon, corresponding secretary; Rose Sabangan, treasurer; Lina Mercado, assistant treasurer; Alice Castaneda, auditor; Emmie Villaruz, assistant auditor; Roger Tapat, PRO; Emerita Etrata, PRO; Art Abinsay, Jimmy Dalit; Antonio Ipalari; Roman Saupan, Josie Takamoto, sergeant at arms.

DAGITI UNIT ORGANIZATIONS KEN PRESIDENTE:
1. Annac Ti Caoayan- Jenny Quezon
2. Annak Ti Sinait Iti Hawaii – Gus Concepcion
3. Cabugao Sons & Daughters Association of Hawaii – Myrna Peralta
4. San Juan Lapog Association of Hawaii- Alice Castaneda
5. Magsingal Association of Hawaii – Imelda Ulangca Formoso
6. Vigan Association of Hawaii & Associates- Tessie Aganon
7. Santanians Association of Hawaii USA- represented by Ben Aquino
8. Narvacan Association of Hawaii – Louie Funtanilla
9. Candonians – Helen Go
10. Santa Marians of Hawaii – Letty Dalit
11. Santiaguenians Association of Hawaii – Thomas Quintos
12. Sinait National High School Alumni Association of Hawaii- Romulo Basuel
ADVISERS: Felipe Abinsay, Jr. Ben Cabreros; Rep. Romy Cachola; Louie Funtanilla; Al Sabangan; Dr. Charlie Y. Sonido; Engr. Carlito Soria; Amado I. Yoro
Nabangon ti ISAH idi Pebrero 27, 1977. Kameng iti OFCC, UFCH. Rehistrado iti DCCA. Itultuloy ti ISAH dagiti napateg a proyekto pakairamanan ti President Elpidio Quirino Leadership & Humanitairan Award; Special Projects- Feed the Homeless; Adopt a Hwy, a Park. Maawis amin nga annak ti Ilocos Sur, nayanak, naikamang iti taga Ilocos Sur.Silulukat ti ISAH kadagiti amin a gunglo dagiti ili, munisipio, baranggay iti las-ud ti probinsia nga addan ditoy Estado ti Hawaii. [Note: adda Ilocos Surian of Maui—Romeo Guzman, presidente#]####





Rate this Article
Low <---------------------------------> High



Please login to rate this Article