iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

leonardo rosqueta agunoy
iCom page



Salaysay


Nabaknang ti panagpuspusoda

01/27/2014


SAAN laeng nga iti bukodda a pagsayaatan ti kitkitaenda ngem naipangruna pay ti pannakaipaayda iti inspirasion ken tulongda kadagiti kakabsatda iti pluma ken kasta met iti agtultuloy nga isasanikar ti Literatura Ilokana dagiti kakabsat a pada a nangisit ti sikona (dagiti pada nga Ilokano).

Ti GUMIL Hawaii ti dakdakamatentayo. Daytoy a GUMIL wenno Gunglo dagiti Mannurat nga Ilokano iti Hawaii, ti kangrunaan a gunglo dagiti mannurat nga Ilokano. Naandur daytoy a gunglo babaen iti naunday a panawen a pannangidaulo ti nasaririt a mannurat, ni Apo Pacita Cabulera Saludes. Nasuroken nga uppat a decadana daytoy agdindinamag a GUMIL a nagramut iti ganggannaet a daga nga isu ti Hawaii a maaw-awagan iti malunlunag a banga.

Kas kadawyan nga akem ti GUMIL Hawaii, isu iti pannakaisuro ken pannakaipaganetgetna kadagiti kamengna iti pannangipateg ken pannangadal a nasayaat ti pannakaaramat ken pannakatagiben ti pagsasao nga Iloko. Ukkonen pay ti nadakamat a gunglo ti nadumaduma a genre ti sinurat dagiti kamengna babaen iti pannangiyalnagda kadagiti book anthologies. Tapno dagitoy ti pakadagupan dagiti napipintas a mabasa ken kasta met a mataginayon dagita a sinurat iti pannakaidalimanekna iti biblioteca dagiti maseknan nga addaan iti iggem kadagiti libro ti GUMIL Hawaii.

Malaksid a nangina ti maaramat iti pannakaimaldit dagiti libro, saan a bangen dayta kadagiti taga-GUMIL Hawaii. Agsasaruno dagiti imalditda a libroda. Malaksid iti dayta, linuktan pay ti GUMIL Hawaii ti nabaknang a panagpuspusona kadagiti namnamaenna a kaduada a mangsalimetmet kadagiti sinuratda.

Kadagiti tinawen a taripnong ti GUMIL Filipinas, adu a libro ti ikuyog ni Ma’am Pacita iti itatabunona. Saanda nga ilako dagiti libroda, ngem ketdi, sirarag-o ti puso ti GUMIL Hawaii a mangisagut kadagiti kamannuratda dagita a libro nga agkakapateg ti linaonna a sinurat dagiti mapagtamdan a kakabsat a mannurat a kameng ti nadakamat a gunglo dagiti mannurat nga Ilokano iti Hawaii.

Iti damo nga itatabunotayo ti nailian a taripnong ti GUMIL Filipinas idi Abril 2002 idiay UNP- Vigan City ken Suso Ni Aran Beach Resort a kukua da agkaingungot a mannurat, Dr. Godofredo S. Reyes ken Dra. Dedicacion A. Reyes, maysatayo kadagiti kangrunaan a sinagutan ti GUMIL Hawaii babaen iti pannangidaulo ni Ma’am Pacita C. Saludes. Malaksid iti bukodtayo a kopia a maidalimanekto iti bibliotecatayo, adda pay dua a kopia a naitalek kadatayo tapno maipaay a libre iti Lt. Edgar Foz Memorial National High School (San Marcelino Campus (iti Brgy. San Marcelino, Dingras Ilocos Norte) a nagadalantayo. BAGNOS: TI GUMIL HAWAII ITI TALLO A DEKADA (1971-2001) ti paulo ti libro. Siraragsak nga inawat ti sigud a maestratayo ti libro

a nangdagdagusan ‘toy agdama a TIC – Teacher- In-Charge a nangisagana iti surat-pagyamanna iti gunglo a nangipaay ti libro iti pagadalanda. kastoy man ti sinagudayna:


Lt. Edgar For Memorial National High School
San Marcelino Campus

Dingras, Ilocos Norte


Mrs. Pacita C. Saludes
President, GUMIL Hawaii
Abril 29, 2002

Greetings in the Name of our Almighty God!

This is to acknowledge receipt of your book – BAGNOS: TI GUMIL HAWAII ITI TALLO A DEKADA (1971-2001) for our students and teachers from Mr. Leonardo R. Agunoy.

We looked forward for more blessings that may come on your way.
Thank you and mabuhay!
Very truly yours
MAGDALENA C. BAYUDAN


Ti maysa pay a kopia, intundatayo iti Dingras Municipal library.

Kadagiti simmarsaruno a nailian a taripnong ti GUMIL Filipinas a naangay idiay Currimao, Ilocos Norte, sabali manen a libro ti insagut kadatayo ni Ma’am Pacita – BALLIGI


DAGITI TUGOT (Triumph of Footprints). Nakaukkonan ti pakasaritaan dagiti nagballigi a Filipino iti Hawaii. Proyekto ti Annak ti Kailokuan iti Amerika (AKA) nga idauluan met laeng ni Ma’am Macita a kas Founder-President. Malaksid iti dayta, adda pay insagut (exclusive) ni Ma’am Pacita kadatayo a pagiwarnak, The Hawaii-Filipino Chronicle a pagpapaayanna a kas Iloko columnist (DAYASADAS) iti dayta a leading community newspaper iti Hawaii.

Umadu koma ti kas kadakuada a nabaknang ti panagpuspusoda!#





Rate this Article
Low <---------------------------------> High



Please login to rate this Article