iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Amado I. Yoro
iCom page



Amado I. Yoro Online


Nakitak manen ti kari, ti karit, ti ayat

01/10/2019


nakitak manen ti kari,
Ti ayat,
iti bullalayaw iti malem
A panagtinnag ti arbis iti abaga
Muging, ti taktakiag
Ti kari, ti karit, wen,
Ti namnama dagiti malem
Dagiti pannakaimbirna
Tapno itdenna ti inana
Ken inanama dagiti addang
Ti panagdaliasat
Awan paggibusan ti panagbaniaga
Kadagiti dalan a lasaten
Tapno biroken ti kinaasino
Ken iti kaibatogan
Ammok: siakto latta
Ti siak dagiti aldaw
Ni Angkuan Deppa
Iti kanito a panaggaraw
Wenno panagpitik pulso
Ti biag……..

Ti kinaasinok
Mailaga kadagiti aramid
Kas iti lemma ken tugot
Dagiti panaglabas darikmat
Umayto met ti uged
Kas iti yaay ti nasudi a
panagpakada
ti malem a namarisan
iti narayray a bullalayaw.

++++++++





Rate this Article
Low <---------------------------------> High



Please login to rate this Article