iluko.com - website a magustoan a pagpalpallailangan dagiti pada a nangisit ti sikona.

dap-ayan: sungsungbat

 

Skip Navigation LinksHome > Dap-ayan > Dap-ayan Responses



Pagsasaritaan a Topiko

Iluko: Panawenen nga Isurotayo Kadagiti Pagadalan!

Joel B. Manuel
9/10/2004 7:54:00 PM

Kakabsat iti GUMIL, pada nga Ilokano:

Panagkunak, panawenen a kiddawen ti GUMIL Filipinas iti DEpEd ti pannakaisuro ti panagbasa iti Iluko kadagiti pagadalan iti haiskul ken elementaria iti Kailokuan!

Apay?

Wen a ta bumasbassiten dagiti ubbing nga agbasbasa iti Iluko. Ad-addan nga English ken Filipino ti basbasaenda a ta isu met ti pakagraduanda, kakabsat!

Kitaentayo ket saanen nga ammo dagiti ubbing ti kinabaknang ti Literatura ti Samtoy a ta world literature ken Filipino Literature dagiti Tagalog metten ti basbasaenda. Kitam ket ammoda ti estoria a "Tata Selo" ni Rogelio Sicat ngem dida makarkarawa ti "Bituen ti Rosales" ni Apo Hidalgo. Uray la koma dagiti sarita ni Apo Duque ti makita kadagiti textbook ti Filipino ngem kasla awan sa pay.

Di kad nalawag a maiwalinwalin ti Literatura Iloko iti edukasion. Sa pay laeng agantaet dagiti ubbing nga agbasa iti Iluko a ta dida met masanay.

Natay ti literatura nga awanan iti agbasabasa. Nupay kunatay a rumangrangpaya ti Kurditan Iluko, bumasbassit met ti agbasa. Saan sa man a narangpaya dayta a literatura, maysa daytan a purpor nga algarruba a paglinlinongan dagiti mannurat!

Dayta ti dakes a mapasamak iti Literatura Saluyot.

Iti masanguanan kumisangto met dagiti mannurat iti Iluko. Apay met? Wen a ta amin a mannurat ket nangrugi a nagbasa iti Iluko sakbay a nagsurat. No bassiten ti mangbasa iti Iluko, bumassitto met dagiti tumanor a mannurat iti masanguanan.

Nadakdakes manen dayta!

Agriingtayo ta idauluan koma ti GUMIL ti tignay a mangkiddaw iti gobierno ti pagilian a maisuro ti panagbasa iti Iluko kadagiti pagadalan. Compulsary koma, kakabsat. Uray maminsan la iti makalawas. Ilaoktay koma iti agenda ti GUMIL Filipinas daytoy a tungtongan

Ania met ti makunayo, appo?

JOEL B. MANUEL
College of Education
University of the Philippines
Diliman, Quezon City




Sungsungbat/Komentario

Show ALL Comments  | Last 100  |
Inhiniero a mannurat
10/14/2004 1:17:00 AM
I believe that the right moment is NOW but who could be these right heroes to accomplished this dream? There is a mix feelings/emotions in the Ilokano Community (To learn and to know advance Iluko Literature or vice versa)which I also believe contributes to a negative impact to this matter. I presumed that more than the average population of the Ilokandia Region is satisfied enough to know the basic knowledge of Iluko Literature. They inclined more of the English and Tagalog literature for they believe and feel will contribute more to the advancement of their life journey.

In this case, it needs hard core people to evangelized the true and valuable meaning of our Iluko Literature. I would say that this is an effective way to start this beautiful/meaningful dream. But if there are no hard core individuals to come forward to take such actions, I would say that this is an impossible dream.

Bannawag, Rimat Magasins and all other Iluko printed articles will be very intrumental to shoulder this responsibility.
  Top   |  Bottom

mariknac
10/14/2004 1:57:00 AM
no podno kayumit lang nga maseknan iti iloko apay ngarod nga agi inglis kaymit? kababain. awan sirbi na no kasta mit. ilocanuen yo koma a.
  Top   |  Bottom

mariknac
10/14/2004 1:59:00 AM
no podno kayumit lang nga maseknan iti iloco apay ngarod nga agi inglis kaymit? kababain. awan sirbi na no kasta mit. ilocanuen yo koma a.

dinumuna ta rong ispiling kin rong gramar ahihihi! kas kiniak kitan yu madi ti ispiling ti ilocok sa kin gramar na? atlis makailoko-ak
  Top   |  Bottom

mistro met
10/14/2004 8:28:00 AM
Apo JBM ken kadakayo aminen a makidapdap-ay ditoy:

Nasayaat unay daytoy a ganuat tapno mai-preserba ti Ilocano a pagsasao. Maysa daytoy a pannakaipakita nga ti kina-Ilocano ket maysa met a mabigbigbig a lenguahe. Ta no ar-arigen dagiti dagup ti makasao ken makatarus ti Ilocano ket ad-adu pay ngem dagiti agus-usar ti national language ti dadduma a pagpagpagilian. Dagiti Ilocano ken naiwarisdan wenno naigamerdan ti intero a paset ti lubong.

Ti las-ud ti kinapudno nga imbagak mariknatayo metten nga agin-inuten nga agpukpukaw, agmawmawmaw ti pagsasao ng Ilocano. Masapsapawanen ti lenguahe nga us-usaren iti dayta a lugar. Ngarud dayta a kina-Ilocano ket no di maagapan dagiti kaputotan a sumarsaruno baka didanto payen ammo no ania dayta nga Ilocano.

Ngarud, yantangay nairuanganen ket adutayo pay met nga naayat a maisuro metten ti pagadalan ti Ilocano. Nasayaaten a rugianen a dagus. Ti mai-suggestko ket kastoy: (Ikkatentayo dagiti abungottayo, agtitinulongtayo)

1. Mangbukeltayon ti gunglo wenno committee nga agtrabaho ken mangimplementan kadagiti kapanunotantantayo. Gapuna ta inruanganmo Apo JMB no isu ti mapagkaykaysaan ken isun sa ti liniam sikan ti mangipangulo ket ammok met a suportarannaka ti GUMIL.

2. Agaramidtayon ti resolution nga idanontayo daytoy a ganuat a pakaibinsabinsaan ti pagsayaatanna kadagiti agar-aramid ti linteg a kas koma kadagiti diputadotayo ken senadortayo nga Ilocano tapno mangiyindorsoda ti linteg a mangpuersa ti Department of Education a mangyimplementa ti pannakaisuro ti Ilocano. Tapno napigpigsa pay kuldingentayo met dagiti nadumaduma nga Ilokano Associations uray sadino a lugar ditoy lubong ti ayanda. Ken kasta met nga agpatulongtayo kadagiti mabigbigbig nga Associations a kaaduan ida ti Ilocano.

3. Usarentayo ti internet particular daytoy Iluko.com a pagabelan kadagiti kapanunotantayo. Dagitoy met ti ammok a sumagmamano a susungbatan tapno makaaramidtayo ti recomendasyon para ti Department of Education.
a) Apay nga isuro ti Ilocano? Ania ti pagsayaatanna?
b) Ania a lugar, disso, area, region ti rumbeng a pakaisuruanna? Apay?
c) Ania a grado ti pakaisuruanna? Apay, ania ti pagsayaatanna?
d) Ania met ti magun-od ti makaadal nga agbasa ken agsurat ti Ilocano malaksid a pagsasaona? (Ditoyen nga isingngat a daytoy Ilocano ket i-credit a kas maysa kadagiti electives. Kas pangarigan, no mangalaka ti Degree wenno Korso dita Pilipinas ket mabalin a a mainayon dayta creditna idiay unitsmo nga electives tapno adda gungguna met a nagadal ti Ilocano.)

Daytoy pay laeng ti maibagak,

misto met
  Top   |  Bottom

ilokano
10/14/2004 5:06:00 PM
Inhiniero a mannurat, agiloko ka lattan ket wrong grammar ka ken saan a napintas ti construction ti sentences mo, mas maawatanmi no kua. e.g. no usarem ti to, saan a past tense ti sarunuenna.

dika masasair.

  Top   |  Bottom

inhiniero a mannurat
10/15/2004 2:26:00 AM
ilokano, ania met ti maisingasingmo para iti pagsayaatan ti literatura ilokana itoy a napintas a panait ni Apo JBM? Iyinglesmo man met bareng makaadalkami kenka iti napintas a gramatika? Maysaka siguro nga inglis teacher. he he he Positibo ken naindayawan daytoy a kiddawko, gayyem. No dinak a padayawan, saan ngarud a balido ti komentom kaniak. Sakonto laeng aklonen ti kamalik agingga a padayawannak. Dika koma met masasair.
  Top   |  Bottom

ilokano
10/15/2004 7:14:00 AM
saan a nasken a nalaing nga agbasketball ti maysa a tao tapno maamirisna a narough wenno foul ti ay-ayam.

nasken kadi nga aginglestayo amin tapno mamatida a pudno dagiti ibagbagatayo? kasla met la pinatitayon a ti rukod ti kinalaing wenno kinasirib ket no nalaingka nga agingles. adda dita nga irakrakuraktayo ti pannakapabaknang ti iloko ta mamatitayo a nabaknang anta met la gayam, paginglesentayo ti maysa a tao tapno laeng agbalin a balido ti komentona.

simple laeng met ti nakitak, nakadidillaw. uray asino met, madlawna. no nasairka, sori.

saanak a teacher iti ingles.
  Top   |  Bottom

inhiniero a mannurat
10/17/2004 1:47:00 PM
SIUDAD DAGITI SALENG: Gayyemko Ilokano, awan ti dakes a riknak kenka wenno pannakasairko iti komentom kaniak. Tunggal tao adda prinsipiona. Ammok met ket nga adda kamalik iti panaginglisko dita ngato ta saanko nga inikkan iti importansia ti kunam a grammar wenno constructionna ta saan a TERM PAPER daytoy ditoy dap-ayan. Inpormal iti kaadduan a panagpapatang ditoy.

Kinorehirmo iti panaginglisko, gayyem. Tapno mamatiak a balido ti komentom kaniak, kayatko nga ipakitam ti kabaelam nga aginglis. Kasano a mamatiak kenka no diak met mapaneknekan ti kabaelam nga aginglis. Dayta ti puntok, Gayyem. Awan ti dakesna. Ken dika koma a masasair.

No korehirem ti aramid ti maysa a tao, ipakitam ti husto tapno mamatida kenka ken ad-adda pay a dayawendaka. Paneknekam iti bagim ken aramidmo a pudno dagiti imbagam wenno aramid wenno pamilawam.

IRAKRAKURAKTAYO TI PANNAKABAKNANG TI ILOKO kunam, Gayyemko? Ditoy Dap-ayan, kunaek a nubenta singko porciento (95%) dagiti mannurat a makidapdap-ay a kamali dagiti ispeling ken grammar ti ilukoda. Apay ngarud a saan a dagitoy ti aturem no maseknanka koma a saan ketdi a ti grammar wenno construction iti inglis nga awan ti importansiana? Makitak nga adda ngarud kayatmo nga ipaneknek ditoy, Gayyem. he he he

I can't even speak my own iluko language fluently, how much more to a borrowed language. he he he naginglisak manen, Gayyem. Dispensarennak laengen.

Ngem saanta koma a padakkelen daytoy a banag ta kababain ken ni Apo JBM. Dispendsarennak koma Apo JBM.

Gayyemko ilokano, awatek a sipupuso no addda man kamalik ket no bilang man ta adda met nagkamliam, adda kenkan no awatem wenno saan.

Manen, saanta koma a padakkelen daytoy a banag ta kababain ken ni Apo JBM. Napintas daytoy a panait a pagsasaritaan. Kunaek a maysa met daytoy a WAKE UP CALL kadata a dua. AGYAMANAK UNAY. God Bless to all.

  Top   |  Bottom

ngata?
10/17/2004 4:02:00 PM
inhiniero a mannurat = JMA,Jr.
  Top   |  Bottom

Mayat
10/17/2004 4:32:00 PM
Ala ngarud suruanyo ida tapno kasla mexicano nga uray sadino nga papananda adda latta interpreterda.
  Top   |  Bottom

titser
10/17/2004 4:48:00 PM
ni Mitir ti rebbengna ngaisuro ti iluko tapnon saan nga agkakadakes dagiti rummuar ti ngiwatna.
  Top   |  Bottom

Bulan bulanen
10/17/2004 7:32:00 PM
Napintas dagiti singasing a maisuro ti Iloko iti uneg ti pagadalan. Kasta met dagiti balikas iti umno a pannakausarda tapno napinpintas.Saan laeng koma nga idiay uneg ti pagadalan, no di pay ket iti uneg ti pagtaengan.Nakunak daytoy ta adda sumagmamano kadatayo noman pay napeklan tay nga ilokano ngem dagiti ubbing tayon ket dida makasao iti Iloko, Apay?Adu dagiti napipintas a rason. Nalabit, amerika ngamin ti yanmi wenno England, Canada ken dadduma pay nga english speaking country.No saan, ti asawa tayo ket tagalog, bisaya, kdpy. isu ti gapuna nga malipatantayon nga isuro iti Iloko.

Adda pay dagiti paliiwko nga pada a nagannak nga pateng nga Ilokano ngem english speaking kampaydi ti saoda diay uneg ti pagtaenganda.Ti rasonda tapno nalaingto kano ti english dagiti annakda inton ageskuelada.

Adda pay dadduma nalabit nga Ilokano a Mannurat ngem dagiti annakda ket saanda a makasao iti Iluko, ti rason ket dimmakelda kano iti Manila wenno katagalogan wenno kabisayaan.

Isu nga ti makunak: No kayattayo nga agrang-ay daytoy a gakat wenno singasingyo a maisuro iti Iluko iti uneg ti pagadalan tapno rumag-ay wenno saan a makeltay daytoy bukodtayo a pagsasao; iti uneg ti pagtaengan iti umona a pangisuroantayo.Tagalog man, bisayaman ti assawa tayo, addatayo man iti abroad,Iluko ti medium of instrution iti uneg ti pagtaengan.Kasla dagiti vietnamese, mexican ken dadduma pay a puli.Aniaman a lugar nga ayanda, tay bukodda a pagssao iti usarenda diay uneg ti pagtaenganda.Ni Ilukano ngay?

Maikadua: Saan laeg koma nga uneg ti pagtaengan ken pagadalan iti pangisuroan. Uray met ditoy Internet, tapno maisuro iti umiso a pannakausar dagiti letra.Ta mapaliiwko, diak ammo a no igaggagara dagiti kakadua.Kadatayo nga Ilokano wenno, awan ti letra tayo a C, ngem isu met ti adadda nga usarentayo. K, iti adda letra tayo. Isu no SIKA ti sawen, saan koma a SICA ti isurat. Ta K koma saan a C. Kasla kom ni gayyem Mariknac, saanka koma gumara gayyem , wen? Ta awan panggepko a mangsair kenka, yantangay ket innadal laeng daytoy.Letra C ti naudi a letra tay naganna, imbes koma a K.Kasta met ni macaammo. C a letra iti inusarna, imbes koma K.Ken adu pay.

Isu nga no pudno met laeng a kayattayo a palangtuen daytoy bukodtayo a pagsasao, irugitayo a mismo iti bagitayo, uneg ti pagtaengan, pagadalan ken uray pay ditoy internet.

Dayta laeng iti makunak gagayyem.
  Top   |  Bottom

ti macunac
10/17/2004 8:21:00 PM
inheniro nga mannorat kin bulan-bulanin, no inglis kit sigudin nga adda ti masursurut nga established nga gramar na kin korek usage kin ispiling nan. iso nga adda pagbasaran iti korek nga panag-usar na.

no daytuy ilocano kit awan pay ti na established nga iso ti dapat nga surutin. isu nga saan nga ribbing na pay ita nga dillawin. ta inia garud ti pagbasaran tay koma? ti kadi bannawag ti kadi rimat ni kadi laconsay ni kadi rojas? saan da nga awtoridad dagita iti ilocano language ta agdodoma ti patien da kin ado pay ti dida pagkaka-awatan.

iso nga ditoy dapayan no inia ti kayat nga usarin ti tatao nga ispiling wenno gramar ti ilocano da kit karbingan da kin saan madillaw coma. kin saan momit nga mabalin nga ipapilit nga dayta ususarim kit iso ti kus-kusto nga gramar ti ilocano language ta awanla garod ti pagibasaram nga kas koma iti ingles gramar winno iti tagalog balarila. ti ilocano language aoan pay ti nagaramid ti naskin nga masurut.
  Top   |  Bottom

mistro met
10/17/2004 9:51:00 PM
Saan koma nga dagita espeling kada grammar ti di pagkikinnaawatan. Agpipinnakaoan tayo ketdin no bilang adda namanamaan a biddot ti tunggal maysa. Nalaingtayo ngem no kastoy a quet ditayo makarugue.

Siguro naawatanyo ti cayatco a saoen.
  Top   |  Bottom

jbm
10/17/2004 10:23:00 PM
masdaawkayo ngata itoy ilanadko ngem isu ti agpayso ta naisurat kadagiti libro iti language education sadiay Amerika: adda dakkel a debate iti English language; daytoy ti debate ti konsepto ti "correct" kontra ti konsepto ti "appropriate". Kunada nga uray sadiay English speaking country ket bumdeng dagiti mamaestra a mangisuro no ania ti correct a maiyayon kadagiti grammar books gapu ta igarupda dayta a panangsaliw-an iti "right to creative expression" dagiti ubbing. Ita madanagan met dagiti nagannak gapu ta amangan no saanton a "nasalun-at" nga English, tay standard a makuna ti tumaud a sarita dagitay annakda.

Daytoy debate ti grammar ngamin tumaud no idefinetayo a maisuro ti Iloko/Iluko language. Kayatko koma nga i-clarify manen ti standko: ti nangnangruna a kiddawentayto koma ket ti panagbasa laeng dagiti ubbing iti Iluko. Basbassit a sakit ti ulo dayta; mas sisasaganatayo a mangsungbat iti dayta. Ngem no itedda pati panangisuro iti Iluko, nasayaat ngata no iti late high school ken kolehio ta solidon ti background dagiti ubbing. Dita metten a makarambolatay no kuan a mangstandardize iti Iluko.

Ala, ti makunak iti inningles ken inniloko ket kastoy: Awan ti superior a lengguahe. Maysa laeng nga konsepto ti "kinaindio" ti pannakaadipentayo iti English. Nasesita ngamin dayta para iti sangalubongan a komunikasion. Amin a lengguahe mangipakita iti kabaelan ti maysa a puli a mangnagan, mangsukog kadagiti abstrakto a konsepto tapno agbalinda a simbolo ti kinnaawatan. No agkikinnaawatantay la ketdi iti Iluko, tangay Ilokanotay met amin, apay a masapultayo ti Ingles? No addan konsepto a saan a kabaelan nga imeten ti Iluko, mabalin a sumaranay ti Ingles.
  Top   |  Bottom

mistro met
10/17/2004 11:55:00 PM
Wen basta agilocanotayo wenno makailokanotayo ken makailocotayo wenno makailocanotayo ken makabasatayo nasayaaten.

No agsurattayo met ti libron a ket idiayen nga i-standardize a kas kunam jbm. Ngem ti standardize a maawatak ket ti standard iti agdama nga accepted nga espelling. Kasla idi tiempo ti kastila ti iloco idi quet kastoy idi kuan ket kastoy kas ita agdama. Idi daguiti Ilocano matarusanda ti mabasada a kas kadagiti naisurat ita.

  Top   |  Bottom

jbm
10/19/2004 8:05:00 PM
no maminsan, maysa met ngamin a panagplano ti masapul a maaramid iti maysa a lengguahe. addaan ngaminen ti bentahe ti "ket" maikontra iti simpuon nga ortograpiana a naadaw iti Español, ti "quet".

Umuna, adun a kontemporario a sinurat iti Iluko ti mangus-usar iti "ket" imbes a "quet". Kunaen ni Manong Johny Hidalgo a daytoy ngamin ket resulta ti panangdiktar ti Institute of National Language kadagiti publikasion dagiti rehiyonal a pagsasao. Saan laeng a ti Tagalog nga insad-angda iti madaydayaw a pedestal ti "Filipino language" ti binaliwanda ti ortograpiana no di pay ket dagiti dadduma a pagsasao. Ita, naaramid a kasta ket diak ammo no ania ti epektona no isublitay pay ti dati.

Maikadua, daytoy language planning a kunak. Alaentay ti kaso dayta Tagalog. Adda terminoda iti eskuelaan, "paaralan". Ngem gapu iti naynay a pannakausar ti termino nga "school", a nasaysayud payen ngem iti paaralan, timpuar ti "iskul" a termino. Ita, ibanbandodan ti pannakaaramat dayta gapu ta kunaenda, nalaklaka nga usaren ken maawatan dagiti ubbing.

Diak ammo no maiyaplikar dayta iti ispeling iti Iluko. Ngem kunaek nga ad-addan a "ganggannaet" ti kastoy a sarita: "iccannac man iti danum quet maoaoac" ngem iti daytoy "ikkannak man iti danum ket mawawak". Gapu ta nairuam dagiti ubbing itan iti ortograpia ti Tagalog wenno "Filipino" kasla dakdakkel manen a rigat ti sagabaenda no agsubli ti kadaanan nga ispeling ti Iluko. Dayta ti epekto ti kunak a language planning. Nupay kasta daytoy issue ti ispeling, masapulna ti nainsiriban a pannakaadal dagiti adu a sektor ti gimong Iluko.

Pattapattaek a maysa a panangputed iti relasiontayo iti Español ti inaramid ti Institute of National Language. Tinawidtayo ti duog nga ortograpia kadagiti Español ket di koma rebbeng a nabaliwan dayta. Kunaek a "marrad" , near-sighted unay ni Filipino, no maipapan kadagiti natawidna kadagiti Español. Saan kadi a dakkel a paset ti lengguahe nga Iluko kas pagarigan ti impatawid ti España? Saan met a libaken dagiti dadduma a lengguahe nga adu ti nabulodda iti Español. Kinakiting pay ketdi ti panagpampanunot ti naaramid a pannakaikkat ti suheto nga Español kadagiti kolehio.

Apay a ditay mapakawan ti lengguahe nga imbati ti España idinto ta kaslatay la tinaldeng ti Español a tipo ti Kristianismo? Idinto ta dandani apagkapat wenno apagkatlo pay ngata ti data iti lengguahetayo ti naggapu iti Español,impalubostayo a maawan daytoy maysa a naisangayan a patawidda gapu laeng iti panagkunatayo a nasionalismo dayta. Ditay napakawan ti Español idinto ta nalaus a pannakaibabatayo no bumaba ti kalidad ti Ingles.

Diak maawatan daytoy a tipo ti nasionalismo. Ditay kadi ammo a dakdakkel nga amang a populasion ti lubong ti agsarsarita iti Español ngem iti English? Gapu ta nabaybay-antayon dayta a lengguahe, pinukawtayon ti "tawa" ti oportunidad a makipulapol iti nagdakkel a populasion iti daga nga arigna nagbalin a "kakabsattayo". No koma, maitranslate dagiti sinurattayo iti Iluko iti Español, amang a maapresiar dagiti Latino, ngem dagiti Ingles, agsipud ta maymaysa ti puontayo, "we share a common culture".

Ala, kakabsat, naikalam-itko la daytoy kas pagpampanunotan.
  Top   |  Bottom

Namatida
10/26/2004 2:45:00 PM
Namatida iti kaanakak idi adda pay la ti umuna a grado ti elementarya nga ammona ti agbasa iti Ingles uray no Ilokano pay la ti isursuruda nga agbasa kadagiti ub-ubbing ti umuna a grado. Maysa a 'practical joke' nga inaramidko kadagiti gagayyemko. Kunak kanianada, "Nakasurat iti daytoy a papel ti lualo nga 'Our Father'! Ipabasak iti ka-anakak. Ammona a basaen!"

Intedko ti papel ket binasa ngarud ti ka-anakak. Saanda a nakita no ania ti nakasurat ti papel ngem idi mangngegda iti panangbasana ti lualo nga 'Our Father', namatida kaniana.

Ammotayo a kastoy ti 'Our Father':

Our father who art in heaven
Hallowed be thy name
Thy kingdom come
Thy will be done on earth as it is in heaven.
Give us this day our daily bread
And forgive us our trespasses
As we forgive those who trespass against us
And lead us not into temptation
But deliver us from evil. Amen.

Ngem ti nakasurat iti papel a binasa iti ka-anakak ket kastoy:

Awer pader ho art in heben
Halod bi day nem
Day kingdam kam
Day wil bi dan on ert as it is in heben
Gib as dis de awer deli bred
En porgib as awer trespases
As wi porgib dos ho trespas agenst as
En lid as nat into temtesion
Bat deliber as pram ibel. Amen.
  Top   |  Bottom

OIC!
10/27/2004 1:26:00 AM
t knak kt kas2y s?

awr pdr, hu art n heven
hlod b day nem
dy kngdm com...(etc)

the language of the generatioNEXT


  Top   |  Bottom

ariel
10/27/2004 5:42:00 PM
mang joel, appomi a mannakidap-ay, isingitmi man laeng daytoy pasalip ti rimat magazine. kitaenyo ditoy:
http://rimatmag.blogspot.com/2004/10/rimat-literary-awards-2005.html
  Top   |  Bottom

jbm
11/10/2004 4:40:00 PM
Dagiti diskusion ditoy ket manarimaan itan a mabukbukel kas position paper. Naidatagen iti GUMIL metro Manila dagitoy ket maitultuloy a mapagsasaritaan.

Aglalo ta naipaulogen dagiti direktiva kadagiti kolehio ken universidad maipapan iti pannakaipawil ti panagsarita iti Iluko kadagiti uneg ti campus dagitoy. No mairamanen a maiparit ti Iluko kadagiti kolehio ken universidad, maysa daytoyen a panangibaddek iti lengguahetayo nga Ilokano babaen kadagiti Tagalista a mangkonkontrol iti govierno ken dagiti ahensia ti dila.
  Top   |  Bottom

jbm
11/10/2004 5:20:00 PM
Malagipko ti issue ti standardization ti Iluko. Adda dagiti proposal nga usarentayo dagiti f, v, c, ñ, x ken dadduma pay. Naibasar dayta iti Español. Wen, a, napintas dagitoy ta agbalin nga intelektual a lalo ti Iluko. Kas koma kadagitoy:

unibersidad- universidad
pasilidad- fasilidad
interaktibo- interaktivo
eksorsismo- exorsismo
kualipikado- kualifikado
rebolusion- revolusion
pormal- formal
birhen- virhen
tekstura- textura
ekspresion- expresion

Kayat a sawen daytoy nga amin a natawidtayo a balikas iti Español ken English ket marespetar ti pannakabalikasna ken agingga iti kabaelantayo ti ispelingna, saan a kas iti inaramid dagiti Tagalog a nangikkat iti f, ken dadduma pay. Kadagiti napalpalabas a tawen insublida ngem kasla nakupad met ti Liwayway a mangipatungpal iti dayta.

Kas iti ar-aramiden ni Apo Johny Hidalgo iti Rimat, isubsublinan ti respeto kadagiti balikas a binulodtayo. daytoy ket para iti in-inut nga reintelektualisasion ti Iluko.

Ditay tultuladen ti Filipino a dinominaran dagiti Tagalista a di makaammo iti husto para iti lengguaheda. Kas koma iti "Diyos" a saritada. Doble ti dayta ta adda la ngarud "i" a naipanen, inikkanda pay la iti "y". No baliksenda met ket silent "y" kasla "Dios" met. Anat dida pay la pangikkatan ita "y"? Sa met ala man kitaentay dagiti balikas itan iti Filipino a patpataudenda. "Sayans" kunada payen. Ay napimpintas la ta Ilukon a ta "siensia"

No kayat a lipaten dagiti Tagalista ti tawidda kadagiti Español, isuda latta, didatay diktaran ta lengguahetay daytoy,No maaramid daytoy, adayo a gidiat ti pangitarayan ti Iluko iti daytoy sinan "nasionalista" a pagsasao a Filipino a naibatay iti Tagalog
  Top   |  Bottom

Vay Linggual
11/10/2004 8:55:00 PM
Wen, ti lenguaje nga isurotayo cadagiti uv-uvving ti Ilocandia ket ti vucvucodtayo nga Ilocano ket ti alfaveta Ilocano a maysuro ket masapul a maivasar iti Español. No aña man ti aramiden dagiti Tagalog, saan a masapul a surotentayo. Maquitayonto ti nasaya-at a pagvanagan daytoy. Nalalaingto nga agexplicar dagiti uv-uvving, saandanto a maticaw. Aña ti maquonam, cavsat?
  Top   |  Bottom

2pig
11/11/2004 12:07:00 AM
anya kamit Vay ampay nay nga espangnyol ti kayat mo nga ispeling manin! potot nakan sa ti fraile? lalon a nga matikaw dagiti ubbing no kasta pagsurat mo!
  Top   |  Bottom

Sherma
11/11/2004 3:20:00 AM
Makapakatawaka met, Vay Linggual!

Ti pannakaawatko iti kuna ni JBM ket para kadagiti binulod a sao (loan words; saan a mairaman dagiti native nga Iluko a sao.

Eniwey, umayakto mangiburay iti kapanunotak inton adda tiempok. Napakatawanak laeng ni Vay 'su nga simmingitak. (Tinto f, v, ken z iti alpabeto ti idiskasko

Bye for now. :)

  Top   |  Bottom

Ilokottong
11/11/2004 10:29:00 AM
Adu ngamin ti loan words aya nga ilucano di adda met ngarud interest words. he he kunak no borrowed words laeng nga ilaok ti nitib. Masaful nga ammotayo a vasaen dagiti zurzurat nga adda f, v ken z-na nga agpayso quen uray met ti q tapno maipaquita nga ammotayo ti agvaza ket agcanta ti Ilocano.
  Top   |  Bottom

Natikaw
11/11/2004 1:40:00 PM
Ania ti zawzaw-enyo ditoy? Zaan a kazta ti vuzto a panag'izpeling' dagiti valigas nga Ilocano. Guraykayo vazzit, gagavzat, ta vizlek daytoy agongko ta rummuar metten daytoy vuteggo. Nakaro ngamin daytoy vanatenggo.
  Top   |  Bottom

mititr2
11/11/2004 2:16:00 PM
maz mejor vamos la ezcuela,para eztudjar..intiendez amigoz/gas,dunde ezta cazillaz...
  Top   |  Bottom

jbm
11/11/2004 7:01:00 PM
He, he, nalaingkayo met nga umangaw, kakadua. Mayat man ta adda bassit paggeellekantayo ditoy a thread. Ala, saan a kasta ti kayatko a paruaren kakabsat. Dagiti laeng nabulod a balikas ti mairaman kadagita kas kuna ni Sherma, loan words. Ala, diskutiremto man Sherma dagita kunam. Saantayo a baliwan dagita datin a balikastayo, no makitayo, puro naggapu iti English ken Español dagita balikas nga inlanadko dita ngato.

Kas koma no ta balikas a "masapul" ken "basaen". Orihinal dagitoy iti Iluko. Saantayo a mabalin nga isubstitute ti "f" iti "p" ti "masapul" ta saan met a kasta ti panangbalikastayo (malaksid a no panagbalikas ti tuppol, he, he). Kasta met a di mabalin nga isubstitute ti "v" iti "b" ti "basaen" ta ne, ti pannakabalikasna a talaga dayta a consonant ket /b/ tay kunada a "voiced bilabial stop" iti phonetics saan a /v/, a "labiodental voiced fricative" (tulongannakto ditoy, Sherma!)
  Top   |  Bottom

loko
11/11/2004 9:36:00 PM
ti man salodsed ko ket ana ti umno kadi:

ILUKO wenno ILOKO wenno IlOKANO?

wen a ta agpapada dageta nga mabas-basak ditoy. ana ti nagdodomaan da aya? ampay nga U diay adda iti ILUKO?
  Top   |  Bottom

mitir2
11/11/2004 10:44:00 PM
ILUKO!!!!!!!! sao ti bacarra nga kigkigtot...

ILOKO........sao ti san nicolas...........
  Top   |  Bottom

Just Asking
11/12/2004 4:36:00 AM
There are 26 letters in the English alphabet. How about Spanish? Tagalog? And Ilocano? If there are more (than English), what are added? If there are less (than English), what are excluded?
  Top   |  Bottom

mistro met
11/12/2004 6:11:00 AM
Just Asking adtoy:

Spanish Alphabet: a, b, c, ch, d, e, f, g, h, i, j, k, l, ll, m, n, ñ, o, p, q, r, s, t, u, v, w, x, y, z

The official Filipino alphabet (as decreed in 1987) comprises 28 letters -- the 26 letters of the English alphabet plus ñ and ng.


a b c d e f g

h i j k l m n

ñ ng o p q r s

t u v w x y z

The Official Filipino Alphabet
between 1976 and 1987
In 1976, the Department of Education, Culture and Sports (DECS) of the Philippines issued a revised alphabet which added c, ch, f, j, ll, ñ, q, rr, v, x, and z to the ABAKADA that had been taught since the 1930s.

a b c ch d e f g

h i j k l ll m n

ñ ng o p q r rr s

t u v w x y z



Latin alphabet for Tagalog

A a B b K k D d E e G g H h I i L l M m
N n Ng ng O o P p R r S s T t U u W w Y y


Official Ilocano Alphabet ??????????????????? pay laeng ngem nasayaat no adapen tay amin dagitan addadta ngato ta isursurat tayo met amin dagita ken mabasatayo met.

  Top   |  Bottom

jbm
11/13/2004 4:17:00 AM
Agyamanak, mistro met. Husto ti inlanadmo nga alpabeto ti Filipino ngem diak ammo no umiso daytoy a pammaliiwko: awan ti v,x,z,c,f kadagiti Tagalog words. Iti "Filipino" a base met laeng iti Tagalog, adda, isubsublida kadagiti textbooks. No adda man, usarenda laeng dagita iti proper nouns, kas koma, Villar, Vicencio, etc.

Ti pamanunotak iti dayta Iluko ken Iloko ket naibatay iti pannakaibalikasna. Pudnon sa ta kuna ni mitir2, adda mangidagsen iti dayta ket ngarud Iluko, adda met mangilag-an iti dayta, ket ngarud, nabukel nga "Iloko"

Ita, kas iti stand ni Apo Jimmy Agpalo, adda karbengan ti tunggal tao a mangirupir iti kalinteganna a mangibalikas iti dayta iti wagas a nakairuamanna ket rebbengna a marespetar daytoy no la ketdi agkikinnaawatantayo a kasta. Ngem no kayattay ti standardna daytoy, masapul ti 'language summit' ta tratarentayo daytoy. Ngem kas tentativo a sungbatko, para kaniak, agpada pay laeng nga umiso dagita.
  Top   |  Bottom

mistro met
11/13/2004 6:49:00 AM
Awan aniamanna jbm, kukuatay amin dayta.

No maipanggep ti pangangusar ti sao wenno balikas nga ILUKO, ILOKO, ILOCOS, ILOKANO, ILOCANO ken dadduma pay nasiaat nga agpayso no adda standardna. Nasayaat koma dayta language summit tapno maresolvar daytoy. Ti kapanunotak laeng ket kastoy:

Umintras us-usaren met la amin dagitoy a balikas -

ILUKO wenno ILOKO - meaningna kaniak ti pagsasao ti Ilocano wenno Ilokano. Mas kaykayatko ti ILUKO ta ngamin adda "U"-na ket dayta a letra ipasimudaagna ti Universal intero nga universo ti ayan ti Ilocano. Saan laeng nga idiay Filipinas wenno Ilocos Region.

ILOCANO wenno ILOKANO - meaningna kaniak diay tao. Kaykayatko ti ILOCANO ta adda letter "C" no icompara ti tattao a dadduma kas ti American, Mexican, Jamaican, African ket saan nga maiduma ti Ilocano ket mabalin nga iy-English nga ILOCAN.

ILOCOS wenno ILOCANDIA- meaningna kaniak diay lugar. Dependen ti pangusaran. Kaniak ILOCOS ti rehion wenno region, ti lugar a nagtaudan ti Ilocano. Ket ti ILOCADIA ti aminen a lugar a dinuminar ti Ilocano. Kas dita Hawaii no adda lugar dita nga kaaduan ti agsasao ti Iluko mabalin met a tawagen ti Ilocandia.

Ipresentak laeng dagitoy ngem saan nga isu ti masurot no bilang. Democratic processes ket no bilang madeliberate ket mausig met ngata dagiti intellehente nga Ilocanos no ania ti rumbeng ken nasayaat. Pagbubutosanen ket ti mangabak isu ti masurot.
  Top   |  Bottom

Vay Linggual
11/13/2004 8:02:00 AM
Ti makunak ket surotentayo koma ti panagletra ti kabukbukodantayo a 'Bannawag magazine'.
  Top   |  Bottom

Masdaaw
11/13/2004 8:33:00 AM
Bannawag kunam Vay, uray diay RIMAT Magazine ngem saan man met a simmangpet tay October Edition ket ne November, December to manen. Aguni kayo man appo nga managRIMAT.
  Top   |  Bottom

mistro met
11/13/2004 9:06:00 AM
Wen nga agpayso, Bannawag ken Rimat parehasda kadi ti pannakaimaldit dagiti balbalikas? No isu ti kayat ti kaaduan a ket surotenen a no formal a panagipablaak. Ngem dagiti kas kaniak nga agingga laeng ti Iluko.com saandakami pay met ngarud a babasen no agsuratkami idiay ammomi a pannakaisuratna ken diay ammomi nga Iluko. Kaniak awan met Bannawag ken uray Rimat a mabasak.
  Top   |  Bottom

Vay Linggual
11/13/2004 1:32:00 PM
Saantayo a suroten ti panagletra kadagiti balbalikas ditoy ILUKO.COM! Dagiti dumadap-ay ditoy nga adda iti ballasiw ti ta-aw ket saan a pudno dagiti panagletrada, a kas kaniak (uray no ma-awatantayo dagiti sursuratenda) ta mano a taw-enen a saanda a nakabasa iti 'Bannawag magazine'.
  Top   |  Bottom

Siak Met
11/13/2004 2:05:00 PM
Ti maawatak maipanggep daytoy sao nga ILUKO ken ILOKO ket nagduma.

Ti ILUKO, isu tay pagsasao ti ILOKANO. TI ILOKO, isu da ti maysa agrupo ti tattao nga ILOKANO, ken iti sabali a pannakaisuna ket KULIT wenno KULITIAGANG a kunami a tribo.

  Top   |  Bottom

ariel
11/13/2004 9:32:00 PM
masdaaw, adda met apo nagemail kadakami maipapan iti oktubre. sinungbatanmi idan. agemailkayo man met kadakami apo: rimatmag@yahoo.com
  Top   |  Bottom

kulbet
11/14/2004 5:15:00 PM
dayta ILUKO ti nagtaudan na ken nangipauso ket ni Laconsay ken ti Bannawag.

ti met ILOKO isu ti us-usaren itan ti Rimat.

no kitan ket mas umno ti ILOKO ta naggapo ngarud iti ILOKOS wenno ILOCOS. no ILUKO ket awan met ketti ILUKOS wenno ILUCOS.

no "ILOKANO language" ti tawag mabalin latta met a. kas koma French kunam iti langugae dagiti French people wenno iti English wenno Italian wenno German, etceteras.
  Top   |  Bottom

jbm
1/7/2005 12:02:00 AM
Press Release, kakabsat:

Iloko Language Summit, angayen ti GIN

Angayen ti GUMIL Ilocos Norte ti kaunaan nga Iloko Language Summit iti maudi a lawas ti bulan ti Febrero.

Naisingasing ken napagnanaminagan daytoy iti naudi a pamiting ti GIN iti Ablan and Ilocano Heroes Hall, Laoag City itay January 02, 2005.

Kas umuna pay laeng a taripnong maipapan iti pagsasao nga Iloko, maipangrunanto a matratar dagiti pakaseknan daytoy kas iti ortograpia ken grammatika, posible a pannakaisurona kadagiti eskuelaan, reintelektualisasion wenno pannakaparang-ayna, issue ti bilingual education, saanen a pannakaammo dagiti ubbing nga Ilokano nga agbasa ken agsurat iti daytoy a pagsasao ken dadduma pay.

Manamnama nga agsaritanto dagiti mabigbig a mannurat, profesores, ken lideres ti pribado ken publiko nga addaan iti stake iti lengguahe nga Iloko. Kalpasan ti ababa a panagsaritada, maisaruno ti panagsisisinnukat iti kapampanunotan. Maidokumentonto amin a mapagnanaminagan iti daytoy umuna a Language Summit tapno adda reperensia para kadagiti sabsabalinto pay nga umarngi a taripnong.

Maiyalnagto pay dagiti libro nga Apit 2, antolohohia dagiti sarita ken daniw dagiti mannurat iti Ilocos Norte ken ti Dalipato, antolohia dagiti daniw sinurat dagiti 18 a kangrunaan a mannaniw nga Ilokano iti Hawaii.

Mainaig iti daytoy, kayat ti GUMIL Ilocos Norte nga awisen amin a mannurat, akademiko, mannursuro iti lengguahe, dagiti adda iti simbaan, industria ken komersio ken sabsabali pay iti intero a Filipinas ken iti ganggannaet ta umatendarda iti daytoy a summit.

Maiwaragawagto dagiti agsarita, ti pakaangayan ken sangkabassitto a registration fee iti mabiit. Para iti ad-adu pay nga impormasion, mabalin a kontaken ni Pete B. Duldulao, presidente ti GIN iti CP # 09174525831 wenno Joel B. Manuel, bise presidente, iti CP # 09213093251 wenno joelbmanuel@yahoo.com.
  Top   |  Bottom

Bannatiran
1/8/2005 12:30:00 PM
Naimbag nga BARO A TAWENMO APO JBM!

Nasayaat dayta a damag nga maipanggep iti kaunaan nga Iloko Language Summit - barbareng no addanto naimbag nga pagbanaganna.

Apo Manuel, ikarkaragko nga salaknibannaka latta iti apo tayo nga Dios tapno maituloymo daytoy nga misyonmo iti biag.
  Top   |  Bottom

jbm
1/10/2005 5:24:00 PM
awisencayo man amin a sumarungcar iti daytoy baro a blogspot a paggiinnadalantayo maipapan iti lenguaje nga Iloco.

http://yloco.blogspot.com
  Top   |  Bottom

Ganggannaet
1/10/2005 5:31:00 PM
Apo JBM, Good Luck.
  Top   |  Bottom

jbm
1/10/2005 6:05:00 PM
ne, baliwac man ta URL address nga inpostec dita, cacabsat.

http://samtoy.blogspot.com

napunasco ngamin tay maysa. agyamanac.
  Top   |  Bottom

Raymundo P. Addun
1/11/2005 9:39:00 PM
A Proposed Standardization of Iloco Orthography

By the title of this essay , one begs the question “ Is it not already standardized?. By the way I spelled ¨Iloco” , the answer, I think, is “It depends…”. If we accept that Bannawag as it written today is the standard, then I rest my case. Orthographic standardization is pretty easy to do. It can be done and imposed with one or two editors sitting in the boardroom.

The more important question however is that whether such a manner of standardization will stand the test of time. When magazines change the editors, will the orthography also change? If we will have a next Bannawag editor whose literary repertoire includes not only the modern Bannawag novels and stories but also the rich Ilocano literature during the Spanish and American periods, I believe we have a problem. Indeed, how , should this editor spell the Ilocano word for “big”, dakkel, dackel, or dacquel?

You might also argue or suggest that the editor should just follow what was already begun by the other editors before him. But what if he is uncomfortable with it? Should he write Familia, Pamilya, or Pamilia? You might also retort that he/she should follow what is accepted by the general readership. The problem is that we don’t know exactly what is generally accepted by the readers. Honestly, we do not know the orthographic preference of the readers . What we call general acceptance is in fact nothing more than what editors and writer have imposed upon them to accept.

I believe that, for standardization to be widely accepted and lasting, it should be intelligent. By intelligent I mean that it must take into consideration the body of its past literary tradition and etymology. Intellectualization must be the guiding post of Ilocano orthography.

1.F instead of P.

I believed that P instead of F is not intelligent when the original (Spanish) word is F. P is adopted for Pilipinas is wrong. Filipinas is right. Pernandez is wrong, Fernandez is right. Congratualtions to Gumil Filipinas. Pamilya or Pamilia are not intelligent. Familia is.


2.X instead of Ks

In the same manner, x should be retained instead of ks.

Examples: Examen not Eksamen, exacto not eksakto.

3.The Spanish LL is changed to Li when it is followed by a, o or u.

Example: Caballo (Spanish) to Cabalio (Ilocano); llave to liave.

But ll to ly when it is followed by e or i.

Detalle to Detalye

4.As part of intellectualization, the v in Spanish should also be retained.

Example: Universidad, not Unibersidad; Versificasion (from vercificacion), not bersipikasion.

5.C instead of k when 1) followed by a, o, u. 2) when it is an hard “c” sound at the end of a word. 3. when the word is Spanish in origin , ex. Curtina not Kurtina

Anacco instead of anakko. Cannaway, not Kannaway.

6. The Ch in Spanish should be retained. Chacha, chicharon, Champorado,

7. S intead of C in Spanish rooted words when it is followed by e or i.

Administracion (Spanish) to Administrasion (Iluko)

Nacion to Nasion.

Farmacia to Farmasia.

8. K instead of qu

Ken, ket, dackel., Kenunana.

9. the ñ is standardized to ni except in proper names.

cabaña to cabania.

10. The z in Spanish should be retained….

terraza is spelled as it is; fuerza too.

…except in Spanish words ending in zacion which is changed to sasion in Iluco.
Organizacion (Spanish) Organisasion (Iluco).

11. English words are retained broadcaster, waiting shed, tricycle.

12. the English W is adopted. Waywaya, not oayoaya. Weste, not Oeste.

The last question that has to be resolved is the case when the writer is not versed with the original Spanish word. The answer is of course to look it up in a dictionary. The Tagalog dictionary will suffice since most Spanish-rooted words are also used in Tagalog. Almost always, the dictionary also provides the original Spanish word. This seems to be cumbersome. However, the writer or editor will not be doing it forever. Theoretically, the editor only does it once for every case of a problematic word. Once published, readers and writers will be adopting it pretty soon afterwards. It is a small price to pay for intellectualization .

In the final analysis, this proposed orthographic standard is actually an appeal to adopt what our parents and forefathers already used in the past, with a few additional, or should I say logical, changes. The rich heritage of Ilocano literature used the Hispanic orthography and is in fact rooted in Hispanic traditions. It would be a perpetual source of pride when the present and coming generations will realize our similarily of orthography with the older Ilocano literature during the Spanish era and early American Period. It is in difference to this rich heritage that we should adopt the above mentioned standards.

Yet another reason why we should adopt this orthography is to link Iloco directly to the the developments in western thought through the use of English and Spanish terms that have no exact equivalent in Ilocano. This is specially true in the case of Western scientific thought.

There have been arguments to the effect that the adoption of too many foreign words will make Ilocano a creolle language. This argument does not hold water. First of all, Ilocano will always be Ilocano for as long as it preserves its present grammatical structure, so long as it does not adopt the Spanish and English structure. Furthermore, majority of the words in an Ilocano sentence will still be Ilocano and the assumption of too many foreign words is overly hypothetical.

We should not succumb to the wishes of so called experts in another regional language who imposed upon us lasting monuments of ignorance. It is hoped that those who have already succumbed will redeem themselves.




  Top   |  Bottom

Kastoy Met
1/12/2005 6:32:00 AM
Ti adda a kapanunotak. Iti panaglabas dagiti tawen, nain-inut a nagbaliw ti ortograpia ti Iloko. Mabalin nga agus ti panawen no ipagarup a kasta.

No agbasbasaak kadagiti sarita idi di pay nasukatan ti sigud nga ortograpia ti Iloko, agbeddal ti panagbasak ta nairuamak metten nga agbasa iti agdama nga ortoprapia.

Daytoy agdama nga ortograpia ti Iloko (Iloko ti ad-adda nga usarek no agsuratak ta ibasarko iti ILOCOS) kas iti Ilokano a saan ket nga Ilukano. Ket no isubli iti dati kasla nakiro. Agadal manen ti publiko iti panagsurat iti Iloko. Ken agsanay manen ni Ilokano nga agsarita iti Iloko. Ta no alaen iti husto a pannakaibalikas ti F ken P ket kas'toy:

Ti F ket nalamuyot wenno nalag-an ti pannakaibalikasna idinto a ti P ket nadagsen.

Ti ammok namantiner ti pannakaisurat ken panangibalikas iti dati kadagiti nagan ti tao ken nagan ti luagar. Kas iti ili a Caoayan saan a Kawayan. Ken Resurecion a saan ket a Resureksion.

Ken no binulod dayta a balikas kadagiti gangganaet. Kas iti Siupaw. Gapu ta awan ti kaibatoganna iti Iloko a balikas, namantiner iti nagtaudanna a pagsasao. Kasta met kadagiti dadduma.

Ket kas iti kunak agus daytoy ti panawen. Nagin-inut a nagbaliwbaliw ti ortograpia ti lenguahe Iloko kasta met ti Lenguahe Filipino.

Idi damo, nagbalin a National Language, Tagalog ti awag. Idi kuan Pilipino. Itan Filipino. Dagitoy ti nagluposan ti Filipino Language.

Mairamanko daytoy no apay a tagalog idi ti nagbalin a National Language. Panawen ti administrasion daydi Pres. Manuel Luis Quezon. Adda surbay a nangibasehanda. Ti kadakkelan wenno kaadduan a lugar wenno rehion. Ti Tagalog ti kaadduan wenno kalawaan a rehion nga agsao iti Tagalog. Ket daytoy ti gapuna no apay a Tagalog ti naadaptar a National Language.

Daytoy ti maibisikko.
  Top   |  Bottom

Lakay Buron
1/12/2005 6:47:00 AM
appo, napintas dagitoy saritaanyo ditoy, maysa ti Iloco Standardization. Seguraduek nga adda immuna a topiko a kastoy ni Aida Tiama a nakipartisiparan dagiti daduma kas kada appo agpalo, agnes, aragon dadduma pay, naisingasing pay idin a tamingen koma ti GF ken adaptarenda koma a national project - napintas man koma no agkikinnontak dagitoy a kakabsat iti panagsuratan. singasing lang appo, diak koma mababalaw no mangibaetak ngamin nabasbasak metten dagiti diskasion dagiti immuna maipapan iti standardization
  Top   |  Bottom

jbm
1/12/2005 3:07:00 PM
Wen, apo, napili dayta Tagalog calpasan ti debate a nangatiwan dagiti Tagalista iti grupo dagiti Cebuanista nga idauluan ni Apo Sotto. Agingga ita agprotprotesta pay laeng dagiti Visayano. Cunada, apay a masapul ti comon a lenguaje ket adda metten ti Ingles? Ania ngamin ti ahenda da Apo Quezon ken dadduma pay iti casta a proposisionda?

Simple laeng: politica, imperialismo dagiti Tagalog. Ita nagballigidan iti dayta a gagemda. Adu ti ahente daytoy a tignay dagiti Tagalista. Nacababain a dagiti universidadtayo iti Ilocos addaan iti Departamento ng Wikang Filipino ngem awan man laeng uray maysa a mangisuro iti Iloco.

Dagiti Cebuano, addan Institute of Cebuano Studies a binuangayda. Adda daytoy iti Universidad ti San Carlos. Sadinno met ti ayan ti castatayo iti Ilocos? Awan a pulos. Adda suheto iti masterado iti Iloco Literature dita MMSU. Dayta laeng ti ammoc.

Adda coma met a Instituto Ilocano wenno uray ana ti naganna. Maysa daytoy a kiddawentay cadagiti agtuturay. Apay coma ta iti St. Mary's University dita Bayombong, adda maysa. Maysa met dita Isabela State University, dita Cagayan State University wenno St. Paul no isu, maysa dita Pangasinan State University, maysa dita DMMMSU, maysa dita UNP, maysa dita MMSU, maysa dita Abra, dita payen Baguio-Benguet, Apayao, Kalinga no isu payen.

Ne, ket nabayagen dita Hawaii, cacaisuna iti lubong, cuna ni Profesora Espiritu a ta agpayso met. Isu pay ketdi dayta Iloco Language a programada ti cadackelan cano iti enrolment cadagiti amin a language education programda iti Departamento dagiti Lenguaje Indo-Pacifico ti Universidad ti Hawaii, Manoa.

Dayta ti napigsa a badang ti reintelectualisasion ti Iloco. Agkiddaw coman ti GUMIL Filipinas cadagiti uray CDF dagiti congresista ta maipasdec dagita ken masanay dagiti escolar iti Iloco. Appo nga adda iti GF leadership, kitaenyo man daytoy. Capintasan daytoy!
  Top   |  Bottom

asa
2/1/2005 3:05:00 AM
oi
  Top   |  Bottom

Natarnaw a pangngep
2/1/2005 8:45:00 AM
Mayat man apo JBM no addanto metten maisurat a libro ti Mekaniko/enheniero ken aminen a kurso babaen ti panakausar ti linguahe nga ilokano, kadagiti pagadalan mausar metten ti ilokano nga linguahe a magilawlawag kadagiti nasao nga kurso.Ngem kasano ngay apo JBM,dakkel a nga sirmata dayta,no man pay kasta sige ilungalongmo ta sumopurta datao no ania dagiti mabalin a maitulong,ta natarnaw unay dayta a pangngep ket maikari nga tulongan.
  Top   |  Bottom

Cristino Iloreta Inay
2/8/2005 2:15:00 PM
Iti kaano man saantayo koma nga ibain ti bukodtayo a pagsasao uray sadino a paset ti lubong ti ayantayo. Kaniak la a maysa uray ditoy America nga ayanko ita saanak a mabain nga agsao iti Ilokano. Apay koma ngay nga ibainko ti bukodko a lenguahe? Kinapudnona, ad-adu nga amang dagiti
gapuanak a nasurat iti Ilokano. Manmano laeng dagiti naisurat iti Ingles
ken Tagalog. Aglalo ita ta lumakayakon ad-adda nga igaedkon ti agsurat iti
Ilokano. Dayta ti misionko itoy a biag. Wen, ammok a dumtengto ti malemko.
Pudno dayta. Iti ababa a oannao kaykayatko nga amang a malaglagipdakto
gapu kadagiti gapuanak a naisurat iti Ilokano. Abuloyak met ti pannakaisu-ro ti Iloko iti elementaria, haiskul ken uray iti kolehio. Dayta ti pudno.
  Top   |  Bottom

Lorenzo G. Tabin
2/8/2005 10:33:00 PM
Lugayanka, Joel, iti pananglukatmo itoy a tread. Awan unay panawenko a sumsumrek kadagiti dadduma a pagpapatangan ngem ti sarilaysaymo iti RFAAFIL ti nangkulding iti essemko a sumngat met ditoy. Agpayso, talaga, dadgita ti nagaon iti bibig ni Manangmo a Samar idi basbasaenmi. Ket nagpanunotkami. Ita, natumponganmi manen daytoy, imprintak, Agpayso ti pammaliiwmo. Nakababain ti maysa nga Ilokano a di makapagsao iti nalinteg nga Iluko, nangnangrunan no agsurat. Ad-addan a nakababain dagiti mangibain iti bukodda a pagsasao, ta uray dagiti dadduma a Tagalog (adda nakitak a mismo) ket no makatumpongda iti Amerikano, agsaoda iti Ingles idinto a Tagalog ti pakisasao ti Amerikano. Agpayso met ti kuna ni Kompadre Tino iti ngato, ta napaneknekak a mismo iti naminsan a panagpasiarmi iti balayda idi addakami pay dita Filipinas--no addada iti balayda, Iluko ti pagsasaoda a sangakabbalayan, pati dagiti annakda a nayanak iti Manila. Ditoy yanmi ita, napusganak a mangisuro iti simbaan a nakaikamenganmi iti dua a Domingo iti binulan. Adda naminsan a nagkuna a mayat ti estilok isuna laeng ta adda kunkuna ti dictionko. Dandaniko la kinuna ta uray ket saan la nga Ingles ti ammok a lengguahe, ket isu ket Ingles laeng. Nakas-ang a panunoten nga iti naminsan a panagpa-Laoag ti maysa a lider iti pammatimi, Ingles ti inaramatna idi mangted iti mensahe ket dinawatna iti Ilokano a pangulo ti maysa nga Stake wenno Estaka nga ipatarus daytoy ti mensahena. Kinuna ti pangulo ti Estaka a saanen a nasken ta ammon amin dagiti kameng ti agingles. Kinapudnona, dina la kabaelan ti agipatarus wenno agsao iti nalinteg nga Iluko isu a kasdi ti kinunana. Impatarusmi iti Iluko dagiti kangrunaan a babasaen ti pammati a nakaikamenganmi ta kasta ti bilin dagiti nangato a pangulomi, ngem nasakit a panunoten ti pannakaipapaigid laeng ti ingungotentayo a pagsasao. Yannan daydi kuna ni Rizal? Mamatiak iti kunana. Ket wen, adu la ketdi, a, ti Ilokano a nalablabes pay ngem ti nalaes nga ikan! Isu nga ita, rinugiakon nga ipatarus dagiti pilik a saritak iti Ingles, ngem agduaduaak no ituloyko, wenno bay-ak a sabalinton ti mangipatarus, ta ituloyko laengen ti agsurat iti Iluko. Kinapudnona, no saan a gapu iti sinursuratko iti Iluko, adayo koma a 'nayaw-awanak' met ditoy America, ta isuda ti nagpatawak iti pannakaited kaniak iti pammalubos nga agbalin a makipagili. Daytoy ti kinapudno: no saan la a gapu iti parikut ti panagbiag dita Pinas, kaykayatko la ketdi ti agbiag idiay Abbarit, wenno idiay Montalban. Dakayo man ketdi a nabati dita Pinas ti mangiduron itoy a gakat iti GUMIL Filipinas. Agpayso unay a masapul daytoy no kayattayo a di matay ti Literatura ti Ilokano. Ta no awan ti agbasa, paglakuantayo koma iti suratentayo? Uray met no surattayo a surat, no awan ti agbasa, anianto ti pagbanagan ti literaturatayo? Mapukawto, a, piman. Kas iti maysa a damagko ken ni Herman a kabsatko dita ADB, agngangabit sa kano ti Bannawag. Ne, inton maminsan manen ket agngalayen ti rabii. Manen, saloduanka, Joel itoy linuktam a pagsisinnukatan iti kapanunotan. NAPINTAS UNAY DAYTOY!
  Top   |  Bottom

ha???
2/9/2005 12:29:00 AM
dilikado ngarud no agngangabitin ti Bannawag??? apay ngata?
  Top   |  Bottom

saanen
2/9/2005 1:01:00 PM
apo joel manuel, agriingka.
saan nga masapul nga isuro ti panagbasa iti ilokano kadagiti eskuelaan.
1. No ammomon ti agbasa iti ingles, ammom met ti agbasa iti ilokano.
2. No pasiaren yo dagiti eskuelaan ditoy probinsiya (ilocandia), ti ma-us-usar wenno mode of instruction ket ilocano (uray kadagiti high school) agsipud ta saanen nga makapag-ingles dagiti mangisursuro (teachers.) saanko nga ibaga nga amin, ngem adu nang-nangruna kadagiti barangay high schools.
3. ma-aw-awanen ti magazine nga ilokano. tay Bannawag, agngangabit ken patay - (apay : tay ubing, kay-kayatnan ti agbuya iti telebisyon ngem agbasa.)
4. man-manon ti nasiglat nga mannurat nga ilocano.
  Top   |  Bottom

nuang a manggarado
2/9/2005 1:44:00 PM
anya, agngangabiten ti Bannawag. sika met apo lorenzo g. tabin, agangawka manen. ipalubosmu kadi ket ditaka met a nagisursurat kadagiti adu a sinuratmo. adda kadin pammanekneken ti kabsatmo a Herman Tabinen. naay nagdakesen a damag no agpayso a kasta, di ket awanton ti paglinglingayan a basaen ni amongko a paginanaanna iti panagbangkag ken panagtalonen wenno panaganin.
  Top   |  Bottom

ammok a
2/9/2005 4:05:00 PM
apong saanen, palso dayta kunam nga no amomon agbasa english amomon agbasa ti iloko. ammo da ngata a ngem saan a kas ka fluent ti panagbasa da iti english wenno tagalog ti panagbasa da iti iloko! agbeddal da nga agbasa iti iloko ken kasulit da nga basaen!
  Top   |  Bottom

no pudno
2/9/2005 9:18:00 PM
nga agngangabit ti Bannawag, awan sabali a mababalaw no di ti Editorial Staff ti Bannawag. naingpis ti Bannawagen, santo payla manmano ti maikabil a sarita ket mauma dagiti agbasbasa a gumatang aglalo no pasig nga adbertisment ti naglaon. maysa pay, adu unay dagiti pakontes ket isu't pangibusan dagiti mannurat iti panawenda nga agsurat ken damagko pay nga saanen nga ipaw-it ti Bannawag dagiti bayad dagiti manuskrito no diket mapan ni mannurat iti LPI tapno agsingir. no siak ti mannurat a ket talaga a dagiti pakontes laengen ti pangibukbokak iti panawenko. Goodbye Bannawag!!
  Top   |  Bottom

saanen
2/9/2005 9:31:00 PM
a nga Bannawag ngarud,Lumlumnek ngaruden ti naganna, ta nganngani metten maawan,saan sigurun nga rilibant (nga kuna ti inglis),dagiti linaonna ta apay nga napukawna metten dagiti adu nga kostomersna.
  Top   |  Bottom

reader
2/9/2005 9:33:00 PM
saanyo a pabasolen ti editorial staff ti bannawag. adda sabali a gapu no apay a kunayo a maserraanton ti bannawag. saankayo nga insigida a mangted ti konklusion.

adu ti pakonmtes kunam. ket kas iti pakontes ni ATI kas ATILA ania ti maganabmo? inkayo ketdi idiay thread ni eddie garcia. madama a katkatayenda ni ATI, ama. pangas balasubas kunadda.

wenno sika ni ATI sika no pudno. wen kasla sika. inka ket karupak ida.
  Top   |  Bottom

pro-Bannawag
2/9/2005 9:49:00 PM
Apay metten nga iraman yo ti Editorial ti Bannawag? Ania komat basol da no kas pagarigan ta ti problima ti Liwayway Publishing (saan la nga Bannawag ngem amin nga magasin nan a) ket baka no pinansial? Awan basol dagita editores diyo man iram-raman ida! Apay ngamin nga ibag-bagayo nga agnga-ngabit ti Bannawag aya? iti ana nga gapo nga agnga-ngabit?
  Top   |  Bottom

billittuleng
2/10/2005 12:03:00 PM
Apay adda kad opisial a desisionen ti LPI a mangisardeng ti Bannawag? Management decision. Adu met ti rasones ti management ket no agitinnag ti desisionna.

Uray ania a corporation, kompania, organisasion, uray pay ania a tay-ak iti pakitrabahuan

-staff attitude & competency
-staff role: focused or dual/multiple
-staff accommodation
-financial challenge
-financial/budget forecast
-marketing challenge
-readership driven
-wenno ti la kaykayat ti editorial
-readership potential
-competitor potential
-customer service satisfaction

agpayso, nakaing-ingpis ti panid ti Bannawagen.

Ngem agpannuray ti amin a desision ti kayatna nga aramiden. ITA, INTONO NO BIGAT wenno MADAMDAMA,

dayta ti urayentayo. Agsurattayo ketdilatta. Narigat nga ibaga nga agngangabit ti Bannawag. Dakayo met !
  Top   |  Bottom

Ket wen met
2/10/2005 12:08:00 PM
No awanen mangbasa, uray no adda no sumagmamanoda laengen,kapilitanen ta ania ngarud limmamiis metten ti suportana uray pay kadagiti ilukano nga adado,alangan nga dagiti tagtagalog ti mangbasa,hehehe.
  Top   |  Bottom

Lorenzo G. Tabin
2/10/2005 9:43:00 PM
No sublianyo a basaen ti suratko iti ngato, iti asideg ti udina, kinunak: AGNGANGABIT SA KANO, kayatna a sawen saan a nalawag,
  Top   |  Bottom

Lorenzo G. Tabin
2/10/2005 9:52:00 PM
No sublianyo a basaen ti suratko iti ngato, iti asideg ti udina, kinunak: AGNGANGABIT SA KANO. SA, kunak, ta saan ngarud a sigurado. Adda manen surat ti kabsatko, para ken ni Tino Inay, nga in-forwardna kaniak, ngem diak ul-ulitenen ditoy ta amangan no tinto man la addan a pagsangsangaanna. Maipanggep iti Liwayway ken kakabsatna a magasin. Ala, ditay koma babalawen dagiti kakabsat sadiay. Ikararagtay koma ketdi a saan a basta kasta lattan a matay ti Bannawag, nangruna kadagiti kas kadakami a ti Bannawag ti nagramutan ti naganmi. Uray no ania ti di nagaw-at ti Bannawag nga idasar kadatayo, saan a bukbukod a pangngeddeng dagiti kameng ta ti kayat ti management ti mapaturay. Kitaentay ketdi no kasano a masalakniban ti pagsasaotayo nga Iluko. No ania man ti ditayo pagkikinnaawatan iti sabali a topiko, di ngata nasaysayaat no sangsangkamaysatayo a mangkita iti masakbayan ti pagsasao? Addan dagiti nangnangngegko a napukaw a pagsasao (diak la malagip ita no ania a lugar) gapun SA iti panagbaybay-a dagiti akinpagsasao. Agtitinnulongtayo, saan ketdi nga agbibinnabalaw wenno agpipinnadakes.
  Top   |  Bottom

Bannatiran
2/11/2005 8:29:00 AM
Apo, pasiyensaenyon daytoy panagilokanok. Apay ania aya iti kayat na nga saoen iti agngangabit? Kasla asidegen nga agbugbugsot?

  Top   |  Bottom

test
2/11/2005 8:52:00 AM
test
  Top   |  Bottom

Annie
2/11/2005 9:20:00 AM
iti agngangabit wenno ngangani: Kasla koma agngangabit ken patay; ngangani a matay.
  Top   |  Bottom

nuang a manggarado
2/11/2005 12:02:00 PM
adda man balikas a sa wenno kano, no inusar ti AGNGANGABIT wenno dandani, asidegen, madaman nga agbugbugsot.

bannatiran ken annie. ditoy kalapaw ni amongko iti talon, no immawayen ni apo padi, immaynan pinulotan, saan a kinnan, saan a sinda, ngem immaynan inted ti maudi a lualo ken kararag, minimini, sakbay a kumidemen ti pasiente wenno tao nga agrigrigat agbugbugsot wenno mangur-urayen iti maudi a kanito, wenno anges.... magsatanen... dung-awandan..... huhuhuhuhuhu, pakawanennak,,,, pakawanennak kuna dagiti mabati. apay a sada la ammot agpakawan no nagsaten a nakamassayagen diay bangkay. idi sibibiag, amangan pay ketdi no inap-apa wenno ginurgurada ti nalaus.

kasta ti kunada nga agngangabit. Oras laengen, aldaw laengen,awas laengen, bulan laengen, kas iti kuna ti doctor a terminal illnes, no cancer koma, terminal cancer ti sakitna, awanen ti maaramidan ti doctor ken medisina, oras laengen. Maysa laengen a kuton ti saan a nakapagpirma, kunada pay. No nakapirman ti maudi a kuton, end.

apay ngamin nga agipuritac ti tao ti sao a mabalin a binulbulod, sayangguseng ngata, adda ngata proof. sao ngatat maysa a makipagrikna, sao ngata mangipateg ken sao ngatat maasian, sao ngatat mangidagel, sao ngata a nayang-angin a mangkiwar ti strategy, sao ngatat negosiante, sao ngatat competitor ti sabali a magasin nga Ilokano, sao ngatat sakit nakem a saan wenno awan ti maipablaakna idiay a magasin. wenno agpatpatang wenno agparbo iti kasla damag.

sakbay a mapasamak, no pudno nga agngangabit koma, iti biang dagiti Ilokano a mannurat, saan ngata a nasayaat no agkaykaysada a mangpetision, wenno agapelo iti mangimaton.

singasing lang. saanen no kunayo, di saanen. kastanan, no kunayo, kastanan. Padasen no kunayo, awan ngata met ti mapukaw, ganansia wenno biktoria pay patganda a dida ituloy a pugsaten ti operasion.

singasing laeng


ne, mapanak manen ket sinaplitannak manen ni among nga agguyodak manen ti arado

  Top   |  Bottom

Berta
2/11/2005 12:21:00 PM
Apay a isuro pay la't ilokano ta pagbasaan no ammo na metten ti agsao ti iluko ti maysa a ilokano? Doble-doble daytan ah. Ana kayat na sawen, reptir man da taon, diaske?
  Top   |  Bottom

Mang DC
2/11/2005 3:47:00 PM
Saankayo a mannurat. no AGNGANGABIT saan laeng nga anges iti tao ti makayaplikaran dayta a sao. Kayatna a sawen dandanin maserraan ti panagserbisiona iti publiko. Husto daytoy. "AGNGANGABITEN TI BANNAWAG". Kayatna a sawen a serraanen ti akinkukua iti panangipatayab iti Bannawag ti aglinawas a damag tapno dumanon dayta a damag kadagiti maseknan wenno arpad dagiti Ilokano.

Kunak man no Ilokanokayo a patneng? Kunak man no mannuratkayo? Ti la adda a malablabidyo. Daytan sa ti makunkuna a "figure of speech" iti English. Kaniak a biang a no agsurat iti sarita napintas a sangkap ti pidiur op spitsh nangruna no daniw. Ta ti panagputar iti sarita wenno daniw ket maysa met nga arte. Adda napintas nga ayugna a sumrek iti lapayag tapno sumuknor iti utek ken puso nga agbalin nga umok a mangiburay iti pannakapnek.

Uray ngata no mangbangontayo iti grupo a mangpetision tapno saan a maserraan ti Bannawag, awan ti makalaped ta dayta ti kayat ti management, manarawidwid, akinkukua. (Sapay koma ta saan ta dakkel met ti utangko, bigbigek nga utangko, iti Bannawag ta isu ti nangitayok ti naganko a kas maysa a mannurat. Ken nupay nababa laeng ti bayad kadagidi a panawen, dakkel ti naitulong ti Bannawag bayat ti panagdur-as ti adalko. Ket, agtedtedto dagiti luak (ne, amangan manen no kunaenyo a di maiparbeng nga usaren ti AGTEDTEDTO DAGITI LUAK, no awanen ti Bannawag iti imatangko! Ti AGTEDTEDTO TI LUAK, saanna a kayat a sawen nga agsangitakto ngem AGSAKITTO TI NAKEMKO! Agsursurotayo koma tapno sumantak ken nabungbunga ti lenguahetayo nga ina ti bukodtayo a dila, mga atanud!

Mabalin a mabangbangrap ti Liwayway Publishing Inc. Nakurang sa a sangapulo ti pagiwarnakna. Sapay koma ta saan a pumudno ti damag!

  Top   |  Bottom

Bannatiran
2/11/2005 4:17:00 PM
Agyamanak apo iti panangilawlawagyo. Kasla ammokon iti naggapuanan iti masasao nga "agngangabit". Agnganga nga nabiit? Mapukawen iti anges? Mabalin kadi nga "slang" daytoy?
  Top   |  Bottom

awan damagko
2/11/2005 5:12:00 PM
Mang DC, adda kadin opisial a damag nga inruar ti kompania a serraandan ti LPI/ Bannawag? wenno naggapu dayta a damag kadagiti appo nga agtrabtrabaho idiay a publikasion?
no mapasamak man daytoy, dakkel unay ti kaipapananna ken ni Ilokano, kayatna a sawen, agturongen ti literatura tayo iti dalan a paka-igarangu-gunganna. intonano ngata ti prodiektionda iti panagserrana?
  Top   |  Bottom

Sayang My Love
2/11/2005 7:52:00 PM
Kasano ngarudin no awanton Bannawag? Nakar-karonton nga maustel ti pagsasao nga Ilocano! Awan la ti milyonaryo aya nga Ilokano nga mang-pondo koma nga manggatang iti Bannawag ta no agtoloy latta?
  Top   |  Bottom

Philosopher
2/11/2005 8:15:00 PM
Bannawag magazine became a victim of stiff competition with other newly founded Ilocano magazines.

  Top   |  Bottom

Lorenzo G. Tabin
2/11/2005 10:33:00 PM
Kabsat a Mangngarado: Pasensiakan no nakaipuritakak iti binulbulodko a damag. Pannakipagriknak la iti Bannawag daydiay. Ni adingko a Herman, agkompadreda ken ni Cles Rambaud. Ammoda amin a mapaspasamak iti aglawlawda ta agpadada a kameng ti GUMIL Metro Manila. No nakapsut ti panamatiyo itoy numo, awan mabalinko. Isingasingko nga agdamagkayo a mismo kadagiti kameng ti Bannawag. Kadakayo amin nga agbasbasa ditoy, pasensiaanyon ti adda a naisaw-atko. Agyamanak met iti komentariom, Mang DC. Adda dakkel a bigbigbigek nga utangko a naimbag a nakem iti Bannawag. Panagkunak, amin a mannurat nga Ilokano, nasken a makipagrikna met no dakes la ti gasat ti magasin. Ti ammok a maysa a ramut ti amin ket ti di mapengdan a panagngina ti amin a magatgatang, mairamanen ti papel ken tinta. Ken adu pay a gapu, a ti laeng publisista ti makarikna. Adda bassit ammok itoy a banag, ti panangpataray iti magasin ti kayatko a sawen, ta nabayag met a nakipulpulapolak kadagiti kakabsat idiay Bannawag sakbay nga immayak ditoy yanko ita. Naimbag nga orasyo amin, Kakabsat. Ayat koma ti pagarientayo iti puspusotayo.
  Top   |  Bottom

sawsawan
2/11/2005 11:31:00 PM
Bannawag;sumalangit nawa ang kaluluwa.
  Top   |  Bottom

podno
2/12/2005 12:04:00 AM
pilosoper anya koma met nga other ilocano magazins ti kakompitisyon ti bannawag? AWAN! adda kadi?
  Top   |  Bottom

kurarapnit
2/12/2005 4:36:00 PM
ADDA MAYSA DITA VIGAN - 'sirmata' TI NAGAN DAYTOY NGA ILOCANO MAGAZIN.
  Top   |  Bottom

wen podno
2/13/2005 5:34:00 PM
"Sirmata" ??

diak pay nakakit-kita ti deta nga magazin nga kunam nga "Sirmata" awan met iti paglakuan ti diaryo ken magazin. Isu nga kasano koma nga kakompitisyon na ti Bannawag? adda aya met makakompitins ti Bannawag?
  Top   |  Bottom

na RIMAT
2/13/2005 6:58:00 PM
umayen, ngem di met pay simmangpet tay Jan ken Feb issue. apay ngatan?
  Top   |  Bottom

LIDEM
2/14/2005 3:05:00 AM
urayem met a latta mangpet to
  Top   |  Bottom

ariel ti rimat
2/14/2005 3:58:00 PM
adda bassit nakarikutanna kakabsat.
agemailkayo laeng iti rimatmag@yahoo.com wenno
arieltabag@yahoo.com ta ad-adu ti mayemailko.

diak a makaposte ditoy iluko.com. impapostek laeng
apo.
  Top   |  Bottom

Mang DC
2/15/2005 2:23:00 PM
Agngangabit? Good, Bannatiran! AGNGANGA A MABIIT, daytoy ti katna a sawen no siak laeng ti mayaplikar. Napagkaykaya laeng a balikas iti tallo. Ok, Bannatiran no ipapantayo nga "slang" iti poder ti lenguahe nga Englissh.

Agngangabit, agnanga a mabiit. Kayatna a dandanin magsat,agultimon ti biag, anges ti maysa a tao, ti panagserbisio ti maysa pagiwarnak nga agserbi iti publiko,
  Top   |  Bottom

Mang DC
2/15/2005 3:22:00 PM
Pasensiakayo ta naglailo manen ti kompiuterko. Dina manen kayat ti pabaon itay isu nga isinerrado. Bueno, ituloyko ngarud ti takapko, a kas kuna ni Lawrence kadi wenno Loring? Ah, piliek ti Loring. Very Filipno way of calling by nicknames. Ok ngarud, kakabsat.

maysa a tao, ti panagserbisio ti maysa a pagiwarnak iti publiko, ti serbisio ti maysa a pagan-anay iti akin-bado, ti serbisio ti maysa nga arado a mangbukual iti barukong ti daga, ken dadduma pay. Mabalin pay nga usaren ti RETIRO. Kas koma no kuna. Dandanin agretiro ti sapatosko.

Kas koma iti SAMTOY. Napagkaykaysa a balikas manipud iti "saomi ditoy". Naikkat dagiti letra o,i,d, ken i.

%%%%%%%%

Loring, uray siak ket dakkel ti urangko iti Bannawag. Saan laeng kadagiti kasukat (nupay nababa pay laeng iti bayad ti maysa a daniw, sarita), ngem iti panaggapuk iti likkukong ti dakulap ti Bannawag ta isu ti nangkibin kaniak iti agdama nga agpang ti panagsurat.

%%%%%%%

Wen, Philosopher, kasta ti pangipapanak. Konpetensia iti ikub ti komersio. No diak mariro, adu a pagiwarnak ti ipatpatayab ti Liwayway Publishing, Inc. iti inaldaw. Mabalin a gapu iti bumasbassit a mapastrek, gapu iti di panagkikinnaawatan dagiti akinkua wenno gapu iti ania man a bambanag a ditayo nga ammo.

Ngem, ipagarupko nga adda, sapay koma ta agbalin a pudno ti simrek iti utekko, ta addanto umallawat a manggatang iti LPI. Ket no agbanagto a kasta, ragsak ti umallawat ti ladingitko. Ken sapay koma ta Bannawagto met laeng ti Biblia ti Amianan!

Naimbag a damag ta nagungar met laeng ti SIRMATA nga awan kadagiti arakup dagiti readers iti kallabes a tawen a ammo ti mano. Kukua ni Mr. Cortez dayta iti California no diak agerrado. Wen, adda pay ti Rimat Magasin a kukua ni Apo Angel. Ay, wen, damag a nagbakasion ni Apo Hidalgo, Jr. ket inallawat ni Ariel Tabag. Kongrats, Ariel! Mabalin a sika ti kaubingan nga editor ti pagiwarnak iti sibubukel a Filipinas.

Dagitoy laeng ti kapanunotak, kakabsat. Naladawan ngem nabara pay laeng nga Aldaw dagiti Puso kadakayo amin.
  Top   |  Bottom

Pikpikem
2/20/2005 10:33:00 PM
nabayagen nga isursuro dat ilokano iti eskwelan ngem idi panawen ti martial law nabaliawan amin nga libro nga ilokano iti tagalog nga bagong lipunan! ingga tatta tagalog aminen kin inglis awanen ilokano nga libro dan!
  Top   |  Bottom

Apo Tacio
2/22/2005 12:27:00 AM
Asino ti nakadamdamaganyo itan nga AGNGANGABIT TI BANNAWAG?
**********

***********

dikay man

**************

mabalin la ngata a change management wenno relocation aglalo no adda union dagiti empleado. saan a basta agserra kas ipadpadamag ti sabali. magna ti process ti closure.

possible a masalbar ti negosio babaen iti petision. saan a patien ti dadduma ti petision, ngem maminsan ket epektibo.

***********
Adda Chapter 11,
Adda umisu a wagas iti PANANGSERRA TI NEGOSIO, SAAN LA KETDIN A BASTA, itan !

Chapter 9

Adda pay posibilidad a bumiang ti Department of labor, wenno gobierno
gapu iti pakaseknan dagiti adu nga empleado a mabalin a mapukawan iti trabaho. agsagaba ti pamiliada, agsagaba ti ekonomia.
************

Rimat? Sirmata?

mano ti kopia dagitoy? sadino ti pagwarasanda?


******************

dikay man apo




  Top   |  Bottom

Oicat Opa
2/22/2005 10:19:00 AM
No kasta ngarud Apotacio,adda ngarud kinapudnona nga baka agserra kas inbinsabinsam dita ngato?.Ta no koma saan,"SAAN" kunam latta koman, ngem posibilidad agserra, ngem ininot,ngem agserran to met laeng.
  Top   |  Bottom

no maipanpan
2/22/2005 12:23:00 PM
iti panagserra iti maysa establisiniento, awan ti masao nga in-inut basta agserra lattan. saan a salun-at wenno makan nga main-inut a sumangpet ti napukaw a salun-at wenno in-inuten a kanen wenno ngalngalen.
  Top   |  Bottom

opa piec
2/22/2005 3:59:00 PM
agserra latta anga agserra awan makalapped no malugon ta kompania ana koma maaramidan nay no awanen kuarta na nga pang maintain ti operasion na ken pagsueldo ti tatao na? agserran anga kapilitan!
  Top   |  Bottom

ziam
2/22/2005 7:37:00 PM
mapan tay atapko,agtungtunglab tay bannawagen,saanen a Bannawag, no diket LUMLUMNEKKEN,bakbaket pay ngamin ngem ni Mrs. Noah dagitay istoriada idiay isu a nga awanen ti mayat nga mangbasa pay.
  Top   |  Bottom

IP: 210.213.245.77
4/10/2005 4:18:00 AM
ukininam
  Top   |  Bottom

agsisiim
4/11/2005 3:44:00 AM
Sangkaibagayo ken sangkaipokkawyo appok ida nga panawenen tapno maisuro ti Iloko dita eskuwela ngem no totoosen kasla narigat sa ketdi dayta nga gakat!
apay nga narigat?

dagita la pakontesen a bassit a banag no idilig kadayta pannakaisuro ti iloko ket saan pay a mapinal a nalaka no sinno ti napadayawan...anian to la ket ta pannakaisoro ti ilokon kadagiti pagadalan? ala ket sangasabalian a saritaan mabalin nga konayo ngem kaaduan nga adda iti likodan daytoy a panggep ket dagiti adda iti ikub ti literatura ilokana, saan kadi?

mangipakita nga medio agsar-sarongaddeng ti taray ti iloko.. hep hep hep!
  Top   |  Bottom

ayam
4/11/2005 7:56:00 PM
ahuuuu sabali met deta panagkontes ti panagsorat a kin deta panagisuro ti iloko iti pagadalan sika met!

  Top   |  Bottom

Bannatiran
6/13/2005 5:31:00 AM
Ania iti nagbanaganna daytoy idi GUMIL Convention , Apo Manuel? Was it part of of the agenda? Was it ever discussed amongst the attendees?
  Top   |  Bottom

Lakay Buron
6/13/2005 4:56:00 PM
kusto koma a nayahenda. diyak la gamin nakadar-ay ti adu a sanguen iti talon
  Top   |  Bottom

tisternakon garud no kua
6/16/2005 2:22:00 PM
no suro kadagiti pagadalan ti iluko, di pay ket titser amin a mannuraten no kua. suda ti nalaing ti gramar.

sanen a nasken a mapanda iti pagadalan. mabalinda lattan ti gisuro a kas idi panawen ti hapon no nalpasmo la ket ti lementaria.
  Top   |  Bottom

asdasfafewrwefwd
6/16/2005 5:05:00 PM
awen a. nalalaing dagiti mannorat ket adu ti abak abaken da nga mestro. ngem ado met nga mestro ket mannorat me lang.
  Top   |  Bottom

Show ALL Comments  | Last 100  |


Sumungbat

Ag-Loginka pay nga umuna Kailian sakbay nga agposteka.





Disclaimer

All communications made available as part of this forum and any opinions, advice, statements, views or other information expressed in this forum are solely provided by, and the responsibility of, the person posting such communication and not of ILUKO.COM (unless ILUKO.COM is specifically identified as the author of the communication).

ILUKO.COM does not certify, endorse, verify, edit or review the contents of any communication posted to these forums. ILUKO.COM makes no warranty of any kind, express or implied, with regard to the posted communications or information contained therein. ILUKO.COM is not responsible for defamatory, offensive or illegal conduct of any author posting to this forum.

ILUKO.COM reserves the right to remove any postings from this forum at its discretion; this reservation creates no affirmative duty in ILUKO.COM, and failure to exercise this power shall not subject ILUKO.COM to any liability of any sort. Persons posting to this forum hereby agree to abide by all applicable laws both National and International and to accept legal responsibility for the contents of their communications.

Any user who feels that a posted message is objectionable is encouraged to contact us immediately by email. We have the ability to remove objectionable messages and we will make every effort to do so, within a reasonable time frame, if we determine that removal is necessary. This is a manual process, however, so please realize that we may not be able to remove or edit particular messages immediately.

If you participate in a discussion, you are responsible for ensuring that any material you post to ILUKO.COM (text, images, or other multimedia content) does not violate or infringe upon the copyright, patent, trademark or any other personal or proprietary rights of any third party, and is posted with the permission of the owner of such rights.